Gujarat Rain : સૌરાષ્ટ્ર અને દક્ષિણ ગુજરાતમાં અતિભારે વરસાદની આગાહી હવામાન વિભાગ દ્વારા આપવામાં આવી છે. ભાવનગર, અમરેલી, જૂનાગઢ, દીવમાં અત્યંત ભારે વરસાદની આગાહી કરવામાં આવી છે. બંગાળની ખાડીમાં સર્જાયેલ લો પ્રેશરના કારણે ચોમાસુ આગળ વધ્યું છે અને રાજ્યમાં 40 થી 50 કિમી સુધી પવન સાથે વરસાદની આગાહી કરાઈ છે.
Gujarat Rain : રાજ્યમાં 24 કલાકમાં 196 તાલુકામાં વરસાદ નોંધાયો છે. અમરેલીના ખાંભામાં 8 ઇંચ, રાજુલામાં 7 ઇંચ, ઉનામાં પોણા 7 ઇંચ, ભાવનગરમાં મહુવામાં 6 ઇંચ, નવસારીના ચીખલીમાં પોણા 6 ઇંચ, જલાલપોર અને નવસારીમાં 5 ઇંચ, 4 તાલુકામાં 4 અને 3 તાલુકામાં 3 ઇંચ વરસાદ નોંધાયો છે. 11 તાલુકામાં 2 ઇંચથી વધુ વરસાદ ખાબક્યો છે અને અન્ય તાલુકામાં અડધાથી 2 ઇંચ સુધીનો વરસાદ નોંધાયો છે.
સૌરાષ્ટ્ર અને દક્ષિણ ગુજરાતમાં અનરાધાર વરસાદ
છેલ્લા કેટલાક દિવસોથી ગુજરાતમાં ચોમાસું મનમૂકીને વરસી રહ્યું છે. બંગાળની ખાડીમાં સર્જાયેલા લો-પ્રેશર સિસ્ટમના કારણે રાજ્યમાં ચોમાસાનું જોર વધ્યું છે, જેના પરિણામે સૌરાષ્ટ્ર અને દક્ષિણ ગુજરાતમાં મેઘરાજાએ ધબધબાટી બોલાવી છે.
હવામાન વિભાગ દ્વારા આગામી સમયમાં ભાવનગર, અમરેલી, જૂનાગઢ અને દીવમાં અત્યંત ભારે વરસાદની ચેતવણી આપવામાં આવી છે. સાથે જ રાજ્યભરમાં 40 થી 50 કિમીની ઝડપે પવન ફૂંકાવાની શક્યતા છે.
નવસારીના ચીખલીમાં પોણા 6 ઇંચ વરસાદ
હવામાન વિભાગની આગાહી મુજબ, હાલની સિસ્ટમ સક્રિય હોવાથી આગામી કલાકોમાં પણ વરસાદનું જોર યથાવત રહી શકે છે. વહીવટી તંત્ર દ્વારા નીચાણવાળા વિસ્તારોમાં રહેતા લોકોને સાવચેત રહેવા સૂચના આપવામાં આવી છે અને આપત્તિ વ્યવસ્થાપન ટીમોને પણ એલર્ટ મોડ પર રાખવામાં આવી છે.
નાગરિકોને અતિશય વરસાદ દરમિયાન બહાર ન નીકળવા અને સુરક્ષિત સ્થળે રહેવા સલાહ આપવામાં આવી છે. આ ઉપરાંત, રાજ્યના અનેક તાલુકાઓમાં 2 થી 4 ઈંચ સુધીનો સરેરાશ વરસાદ વરસતા ખેડૂતોમાં ચિંતા સાથે રાહતની લાગણી પણ જોવા મળી રહી છે.
આ પણ વાંચો : પોલીસની પંચાત : પૂર્વમાં અધિકારીને કોનામાં દેવનો અંશ દેખાયો, નવા CP આવતા જ PI લાગ્યા લોબીંગમાં
