Gujarat Weather : દક્ષિણ ગુજરાત અને સૌરાષ્ટ્રમાં ભારે વરસાદની આગાહી, અમદાવાદમાં ગાજવીજ સાથે વરસાદના એંધાણ

રાજ્યમાં આગામી 7 દિવસ સુધી વરસાદી માહોલ યથાવત રહેવાનું અનુમાન છે અને અમદાવાદમાં રહેશે વાદળછાયું વાતાવરણ.

ગુજરાતમાં ચોમાસું થયું સક્રિય

હવામાન વિભાગની લેટેસ્ટ માહિતી મુજબ, અમદાવાદમાં આજે મહત્તમ તાપમાન 39 સેલ્સિયસની આસપાસ રહેવાની અને વાતાવરણ મોટે ભાગે સ્વચ્છ રહેવાની શક્યતા છે, જોકે રાજ્યના અન્ય ભાગોમાં ચોમાસાની ગતિવિધિ સક્રિય થઈ રહી છે.

દક્ષિણ ગુજરાત અને સૌરાષ્ટ્રમાં ભારે પવન ગાજવીજ સાથે વરસાદની શક્યતા છે તો જુનાગઢ, ભરૂચ, વડોદરા, પંચમહાલ, દાહોદ અને છોટા ઉદેપુરમાં વરસાદને લઈ યલો એલર્ટ જાહેર કરવામાં આવ્યું છે. આગામી 7 દિવસ રાજ્યમાં વરસાદી માહોલ રહેવાની શક્યતા છે.

આજે આ જિલ્લાઓમાં વરસાદની આગાહી

આજે 25 જૂને અમદાવાદ, ગાંધીનગર, મહેસાણા, અરવલ્લી, ખેડા અને દાહોદ સહિતના જિલ્લાઓમાં છૂટાછવાયા સ્થળોએ હળવાથી મધ્યમ વરસાદની શક્યતા છે.

દક્ષિણ ગુજરાતના વડોદરા, ભરુચ, સુરત, નવસારી, વલસાડ, ડાંગ અને તાપી જિલ્લામાં અનેક સ્થળોએ વરસાદ પડી શકે છે. ગુજરાતમાં છેલ્લા 24 કલાકમાં વલસાડના ઉમરગામ તાલુકામાં સૌથી વધુ 4.33 ઇંચ વરસાદ ખાબક્યો છે, જ્યારે કપરાડામાં 1.46 ઇંચ અને વાપીમાં 1.42 ઇંચ વરસાદ નોંધાયો છે.

આ પણ વાંચો : LIVE: Gujarat Latest News : ગુજરાતમાં ચોમાસાની એન્ટ્રી, 2-3 દિવસમાં રાજયભરમાં જમાવટ કરશે