અનેક ગ્રામ્ય વિસ્તારોમાં નુકસાનીના દ્રશ્યો પણ સામે આવ્યા છે. રાજકોટ શહેર અને જિલ્લામાં રેડ એલર્ટની આગાહી વચ્ચે રાત્રિના 12 વાગ્યાથી ધીમીધારે વરસાદ શરૂ થતાં રસ્તાઓ પર વરસાદી પાણી ફરી વળ્યા છે.
છેલ્લા 24 કલાકમાં 164 તાલુકાઓમાં વરસાદ
સૌથી વધુ અમરેલીના રાજુલામાં 11 ઈંચ વરસાદ, ધારીમાં 9.21 ઈંચ, ખાંભામાં 6.81 ઈંચ વરસાદ, સુબીરમાં 5 ઈંચ, સાવરકુંડલામાં 5 ઈંચ વરસાદ, જાફરાબાદમાં 5 ઈંચ, ડાંગમાં 4.50 ઈંચ વરસાદ, વિજયનગરમાં 4.50 ઈંચ, બગસરામાં 4.29 ઈંચ, લિલિયામાં 4.21 ઈંચ.
ઉનામાં 4.21 ઈંચ વરસાદ, જેસરમાં 3.58 ઈંચ, ચીખલીમાં 3.27 ઈંચ વરસાદ, મહુવા (ભાવનગર)માં 3 ઈંચ, વાપીમાં 3 ઈંચ વરસાદ, ગારિયાધારમાં 2.8 ઈંચ, ડોલવણમાં 2.8 ઈંચ વરસાદ, ડોલવણમાં 2.76 ઈંચ, ઉમરગામમાં 2.72 ઈંચ વરસાદ, ગીર ગઢડામાં 2.72 ઈંચ, ગણદેવીમાં 2.64 ઈંચ વરસાદ નોંધાયો છે.
ખેતી પાકો માટે આ વરસાદ જીવાદોરી સમાન સાબિત થઈ રહ્યો છે
હવામાન વિભાગની આગાહી મુજબ, આગામી દિવસોમાં પણ રાજ્યના કેટલાક ભાગોમાં હળવાથી મધ્યમ વરસાદની શક્યતા છે. વહીવટી તંત્ર દ્વારા તમામ જિલ્લા કલેક્ટરોને નીચાણવાળા વિસ્તારોમાં સતર્ક રહેવા અને કોઈ પણ અઘટિત ઘટના સામે તાત્કાલિક પગલાં લેવા સૂચના આપવામાં આવી છે.
નદીકિનારે રહેતા લોકોને સુરક્ષિત રહેવા અને અતિવૃષ્ટિની સ્થિતિમાં સાવચેતી રાખવા અપીલ કરવામાં આવી છે. સૌરાષ્ટ્ર અને દક્ષિણ ગુજરાતના મોટાભાગના વિસ્તારોમાં મેઘરાજાની સવારી ધૂમધામથી આવી છે. ગીર પંથકના સાવરકુંડલા, જાફરાબાદ, અને બગસરામાં પણ 4 થી 5 ઈંચ સુધીનો વરસાદ નોંધાયો છે.
આ પણ વાંચો : LIVE: Gujarat Latest News : વર્ષ 2027માં પરસોતમ સોલંકીના પુત્રને ચૂંટણી લડાવવાની તૈયારી બતાવી
