Gujarat Weather : રાજયમાં આજથી વરસાદનું જોર ઘટવાની શકયતા, 24 કલાકમાં 60 તાલુકામાં નોંધાયો વરસાદ

સૌરાષ્ટ્ર-કચ્છમાં અત્યાર સુધીનો સરેરાશ 18% ઓછો વરસાદ નોંધાયો

આ ઉપરાંત ડાંગ અને વાંસદા વિસ્તારમાં પણ 1-1ઇંચ જેટલો વરસાદ નોંધાયો છે. જે તાલુકાઓમાં સામાન્ય વરસાદ નોંધાયો છે, તેમાં રાજ્યના વિવિધ 13 તાલુકાઓમાં અડધા ઇંચ જેટલો વરસાદ વરસ્યો છે.

બાકીના વિસ્તારોમાં છૂટાછવાયા ઝાપટાં સાથે સામાન્ય વરસાદી માહોલ જોવા મળ્યો હતો. રાજયમાં ખેતીલાયક વરસાદ તો થઈ ચૂક્યો છે, પરંતુ હવે વરસાદનું જોર ઘટતા ખેડૂતોને પાક સંભાળવાની તક મળશે. લાંબા સમયથી ચાલી રહેલા વરસાદી માહોલ વચ્ચે હવે વાતાવરણમાં સૂર્યપ્રકાશ જોવા મળી શકે છે.

આજે 4 જિલ્લામાં વરસાદને લઈ યલો એલર્ટ

દરિયાકાંઠાના અને દક્ષિણ ગુજરાતના વિસ્તારોમાં ભેજવાળું વાતાવરણ યથાવત રહેવાની શક્યતા છે. હવે વરસાદનું જોર ઘટવાથી જનજીવન ફરી સામાન્ય તરફ વળશે. આગામી દિવસોમાં રાજ્યના અન્ય ભાગોમાં છૂટોછવાયો વરસાદ રહેશે, પરંતુ ભારે વરસાદની કોઈ મોટી ચેતવણી હાલ પૂરતી નથી.

હવામાન વિભાગના જણાવ્યા અનુસાર, વેલ માર્ક લો પ્રેશર, 2 ટ્રફ સક્રિય થતા વરસાદની આગાહી કરવામાં આવી છે. છેલ્લા કેટલાક દિવસોથી 5 જેટલી સિસ્ટમ સક્રિય હતી જેમાંથી હવે ફક્ત 3 સિસ્ટમ એક્વિટ રહેતા વરસાદનું જોર ઘટી રહ્યું છે.

આ પણ વાંચો : Amreli : લીલીયામાં સિંહે યુવકને ફાડી ખાદ્યા બાદ વન વિભાગની કાર્યવાહી, એક સિંહને પાંજરે પુરવામાં આવ્યો