Gujarat Weather : રાજયમાં ગાજવીજ અને ભારે પવન સાથે વરસાદની આગાહી, હવામાન વિભાગે જાહેર કર્યું નાવ કાસ્ટ બુલેટિન કર્યુ જાહેર

આ વિસ્તારોમાં વીજળીના કડાકા-ભડાકા સાથે વરસાદી માહોલ જામશે, જેને પગલે ખેડૂતોમાં આનંદની લાગણી જોવા મળી રહી છે.

આ જિલ્લામાં મધ્યમ વરસાદની આગાહી

રાજયના અન્ય જિલ્લાઓ જેવા કે કચ્છ, બનાસકાંઠા, પાટણ, મહેસાણા, સાબરકાંઠા, અરવલ્લી, ગાંધીનગર, અમદાવાદ, સુરેન્દ્રનગર, મોરબી, જામનગર, દેવભૂમિ દ્વારકા, રાજકોટ, બોટાદ, આણંદ, ખેડા, વડોદરા, ડાંગ, નવસારી, વલસાડ તેમજ દમણ અને દાદરા-નગર હવેલીમાં મધ્યમ વરસાદ વરસવાની આગાહી કરવામાં આવી છે. આ વિસ્તારોમાં પણ વાતાવરણમાં ઠંડક પ્રસરી જશે અને ગરમીથી લોકોને રાહત મળશે.

વૃક્ષો નીચે વરસાદના સમયે ઉભા રહેવાનું ટાળો

હવામાન વિભાગે ખાસ કરીને વીજળી પડવાની શક્યતાઓને ધ્યાનમાં રાખીને લોકોને ખુલ્લા વિસ્તારોમાં ન જવા અને સુરક્ષિત સ્થળે આશરો લેવા અપીલ કરી છે. ભારે પવન સાથે વરસાદ પડવાની શક્યતા હોવાથી વીજળીના થાંભલા કે વૃક્ષો નીચે આશરો લેવાનું ટાળવું જોઈએ.

ખેડૂતોને પણ તેમના પાકની સુરક્ષા માટે જરૂરી પગલાં લેવા સૂચના આપવામાં આવી છે. વરસાદની આ આગાહી ખેતીવાડી માટે તો આશીર્વાદરૂપ છે જ, પરંતુ સાથે સાથે નાગરિકોની સુરક્ષા પણ એટલી જ મહત્વની છે.

આ પણ વાંચો : Ahmedabad : ગોમતીપુર પોલીસની મોટી સફળતા, રૂ.1.12 લાખના મેફેડ્રોન ડ્રગ્સ સાથે એક શખ્સ ઝડપાયો