Gujrat New DGP GS Malik : જાણો રાજયના નવા પોલીસવડા કોણ છે

વિશિષ્ટ સેવા માટે પ્રતિષ્ઠિત રાષ્ટ્રપતિ પોલીસ મેડલ પણ મેળવ્યો છે.

અમદાવાદ શહેરના પોલીસ કમિશનર તરીકે જુલાઈ 2023માં તેમણે પદભાર સંભાળ્યો હતો. વડોદરામાં તેમના કાર્યકાળ દરમિયાન, તેઓ સમુદાયલક્ષી પોલીસિંગ અને નાગરિક પહેલ માટે જાણીતા હતા, જેમ કે ગરીબ બાળકો માટે મોડેલ શાળાઓની સ્થાપના. તેમણે ભરતી બોર્ડના અધ્યક્ષ તરીકે 17,500 લોક રક્ષક દળ (LRD) કર્મચારીઓની સરળ ભરતીનું સફળતાપૂર્વક નિરીક્ષણ પણ કર્યું. મલિક એક ઉચ્ચ કક્ષાના અધિકારી છે, જેમણે મેરીટોરીયસ સર્વિસ માટે પોલીસ મેડલ અને વિશિષ્ટ સેવા માટે પ્રતિષ્ઠિત રાષ્ટ્રપતિ પોલીસ મેડલ બંને મેળવ્યા છે.

BSFના વડા તરીકે પણ ફરજ બજાવી ચૂક્યા છે Gujrat New DGP GS Malik

મૂળ હરિયાણાના જીએસ મલિક ગુજરાત કેડરના 1993 બેચના IPS અધિકારી છે. અત્યાર સુધી તેઓ દિલ્હીમાં ADG (ઉત્તર) CISF હતા. જ્ઞાનેન્દ્ર સિંહ મલિકે B.Tech સાથે LLB કર્યું છે. હાલમાં તેઓ ગુજરાતના સૌથી મોટા શહેર અમદાવાદના પોલીસ કમિશનર છે. હાલમાં ઇન્ચાર્જ ડીજીપી તરીકે કે.એલ.એન રાવ હતા. ત્યારથી તેઓ ઈન્ચાર્જ પદે જ કાર્યરત હતા. 5 મહિના ચાર્જ બાદ આખરે કાયમી ડીજીપીની નિમણૂંક કરવામાં આવી છે.

જ્ઞાનેન્દ્ર સિંહ મલિક, આઈપીએસનો બાયોડેટા

જ્ઞાનેન્દ્ર સિંહ મલિક ગુજરાત કેડરના 1993 બેચના આઈપીએસ અધિકારી છે. તેઓ હરિયાણાના ફરીદાબાદ જિલ્લાના વતની છે અને તેમણે બનારસ હિન્દુ યુનિવર્સિટી, વારાણસીમાંથી ઇલેક્ટ્રિકલ એન્જિનિયરિંગમાં બી.ટેક. અને ગુજરાત યુનિવર્સિટીમાંથી એલ.એલ.બી. કર્યું છે. તાલીમ પછી તેઓની એ.એસ.પી. ભુજ તરીકે નિમણુંક થયેલ. તેઓએ છ જિલ્લાઓ (ડાંગ, પોરબંદર, સુરેન્દ્રનગર, અમદાવાદ રૂરલ, ભરૂચ અને કચ્છ) ના જિલ્લા એસ.પી. અને 4 રેન્જ (બોર્ડર, અમદાવાદ, વડોદરા અને સુરત રેન્જ)ના વડા તરીકે સેવા આપી છે.

ગૃહ વિભાગમાં સચિવ તરીકે પણ તેઓએ સેવા આપી છે

તેમણે ગુજરાતના મા. રાજ્યપાલના એ.ડી.સી., અમદાવાદ શહેર ડીસીપી (ક્રાઈમ બ્રાન્ચ) અને અમદાવાદ શહેર અને વડોદરા શહેરમાં એડિશનલ કમિશનર તરીકે પણ સેવા આપી છે. સીઆઈડી (ક્રાઈમ), સીઆઈડી (ઈન્ટેલિજન્સ), એન્ટી કરપ્શન બ્યુરો, નશાબંધી અને આબકારી વિભાગ અને ગૃહ વિભાગમાં સચિવ તરીકે પણ તેઓએ સેવા આપી છે. વર્ષ 2014 થી વર્ષ 2018 સુધી, અધિક નિદેશક, ACB/સચિવ (ગૃહ)ĀGP વડોદરા રેન્જ અને સુરત રેન્જ તરીકે મહત્વપૂર્ણ હોદ્દાઓ સંભાળવા ઉપરાંત તેઓને પોલીસ કોન્સ્ટેબલ ભરતી બોર્ડના ચેરમેન તરીકે ત્રણ વખત નિમણુંક આપવામાં આવેલ હતી. આ સમયગાળા દરમિયાન આશરે 24,000 પોલીસ કોન્સ્ટેબલની ભરતી ખૂબ જ પારદર્શક રીતે કરવામાં આવી હતી અને તમામ ભરતીમાં 10 મહિનાથી ઓછા સમયગાળામાં પરિક્ષાનાં પરિણામો જાહેર કરવામાં આવ્યા હતા.

BSFમાં ગુજરાત ફ્રન્ટિયરના ઇન્સ્પેક્ટર જનરલ તરીકે સેવા આપી

આમ, વર્તમાન ગુજરાત પોલીસમાં હાજર મહેકમ પૈકી લગભગ 20% પોલીસ કર્મચારીઓની ભરતી જે બોર્ડ દ્વારા કરવામાં આવી હતી તેના તેઓ અધ્યક્ષ રહી ચુક્યા છે. તેઓ લગભગ પાંચ વર્ષ કેન્દ્રીય પ્રતિનિયુક્તિ પર રહેલ, જે દરમ્યાન તેઓએ લગભગ 4 વર્ષ સુધી BSFમાં ગુજરાત ફ્રન્ટિયરના ઇન્સ્પેક્ટર જનરલ તરીકે સેવા આપી છે. આ કાર્યકાળ દરમિયાન, તેમના વ્યક્તિગત માર્ગદર્શન હેઠળ ભારતીય સેના અને વાયુસેનાના સહયોગથી કચ્છના હરામી નાળામાં પ્રથમ વાર એક અત્યંત સાહસિક 'હેલિબોર્ન ઓપરેશન' સફળતાપૂર્વક પાર પાડવામાં આવેલ જેના પરિણામે ૧૧ પાકિસ્તાની બોટ જપ્ત કરવામાં આવી હતી અને છ પાકિસ્તાની ઘૂસણખોરોને ઝડપી પાડવામાં આવ્યા હતા.

તેઓ બેડમિન્ટન અને ચેસ પણ રમે છે

BSFમાં સેવા આપ્યા બાદ તેઓએ CISFમાં પણ સેવા આપેલ, જે દરમિયાન તેમને દિલ્હીમાં ADG (નોર્થ) અને ADG (એરપોર્ટ સેક્ટર) તરીકે નિયુક્ત કરવામાં આવેલ. તેમણે વર્ષ 2002 માં યુગોસ્લાવિયાના કોસોવોમાં એક વર્ષ માટે સંયુક્ત રાષ્ટ્ર શાંતિ સ્થાપના મિશન (UN Peacekeeping Mission) ખાતે પણ સેવા આપેલ છે, જ્યાં તેઓ યુદ્ધ અપરાધ ગુનાઓની તપાસ સાથે સંકળાયેલા હતા.ભારતીય પોલીસ સેવામાં જોડાતા પહેલા, તેઓ ONGC બોમ્બે હાઇ અને ભારતીય રેલ્વેમાં પણ સેવા આપેલ છે. તેઓ એક ઉત્સાહી રમતપ્રેમી વ્યક્તિ છે જેમણે ઘોડેસવારી, વ્યક્તિગત ટેન્ટ પેગિંગ ઇવેન્ટ્સ, પિસ્તોલ શૂટિંગ, ટેનિસ, ટેબલ ટેનિસ અને ગોલ્ફમાં મેડલ જીત્યા છે. તેઓ બેડમિન્ટન અને ચેસ પણ રમે છે.

તેઓને મેરિટોરિયસ સર્વિસ તથા વિશિષ્ટ સેવા માટે રાષ્ટ્રપતિ પોલીસ મેડલથી સન્માનિત કરવામાં આવ્યા છે

મલિક સેન્ટ્રલ ડેપ્યુટેશનથી ગુજરાતમાં તા.31.7.2023 ના રોજ પરત ફર્યા અને અમદાવાદ શહેરના પોલીસ કમિશનર તરીકે જોડાયા. તેમના કાર્યકાળ દરમિયાન, સમગ્ર ગુજરાત રાજ્યમાં કદાચ સૌથી મોટી અતિક્રમણ દૂર કરવાની ઝુંબેશ ચંડોળા તળાવની આસપાસ હાથ ધરવામાં આવી હતી.

ટેકનોલોજીનો મહત્તમ ઉપયોગ કરે છે આ અધિકારી

ચોરસ મીટર સરકારી જમીન સાફ કરવામાં આવી હતી અને 10000 થી વધુ ગેરકાયદેસર મકાનો દૂર કરવામાં આવ્યા હતા. આ વિસ્તાર ગેરકાયદેસર બાંગ્લાદેશીઓ માટે સલામત આશ્રયસ્થાન માનવામાં આવતો હતો. તેમની વિશેષ પહેલ અને જનભાગીદારીના સહયોગથી, અમદાવાદ શહેરના વિવિધ વિસ્તારોમાં ૨૪,૦૦૦થી વધુ સીસીટીવી (CCTV) કેમેરા સ્થાપિત કરવામાં આવ્યા છે. આ પૈકી, ૩,૦૦૦થી વધુ અતિ મહત્વના કેમેરાનું લાઇવ ફીડ સીધું જ સંબંધિત પોલીસ સ્ટેશનો અને શહેર પોલીસ કંટ્રોલ રૂમ ખાતે જોવામાં આવી રહેલ છે. આ વ્યાપક નેટવર્ક, રાજ્ય સરકાર અને અમદાવાદ મ્યુનિસિપલ કોર્પોરેશન (AMC) દ્વારા અગાઉથી સ્થાપિત કરાયેલા આશરે ૪,૦૦૦ સીસીટીવી કેમેરા ઉપરાંતનું છે, જેનું શહેર પોલીસ કંટ્રોલ રૂમ દ્વારા 24X7 સતત મોનિટરિંગ કરવામાં આવે છે. ઉલ્લેખનીય છે કે, વૈશ્વિક સ્તરે એક ખુબ જ જાણીતી યુરોપિયન સંસ્થા 'નમ્બિઓ' (Numbeo) દ્વારા વર્ષ ૨૦૨૫માં બહાર પાડવામાં આવેલા સુરક્ષિત શહેરોની યાદીમાં અમદાવાદ શહેરને ભારતનું સૌથી સુરક્ષિત શહેર તરીકે સ્થાન આપવામાં આવ્યું હતું. આ ઐતિહાસિક સિદ્ધિ અસરકારક પોલીસિંગ, ટેકનોલોજીનો મહત્તમ ઉપયોગ અને સક્રિય લોક ભાગીદારીથી મળેલ છે.

આ પણ વાંચો : Gujarat New DGP: ગુજરાત પોલીસને નવા વડા મળ્યા, જ્ઞાનેન્દ્ર સિંહ મલિક બન્યા રાજ્યના નવા DGP