Surat: વરાછાના વેપારીઓની વ્હારે આવ્યા DyCM, સહાય માટે કલેક્ટર કચેરીમાં બેઠક

DyCM સીધા જ 'યસ પ્લાઝા' પહોંચ્યા હતા

પૂરના પાણી ઓસરતાની સાથે જ DyCM સીધા જ 'યસ પ્લાઝા' (Yes Plaza) ખાતે પહોંચ્યા હતા. અહીં તેમણે અસરગ્રસ્ત વેપારીઓ સાથે મુલાકાત કરી તેમના દુઃખ-દર્દ સાંભળ્યા હતા. ભારે વરસાદ અને પાણી ભરાઈ રહેવાને કારણે વેપારીઓનો માલસામાન અને અન્ય મિલકતને જે નુકસાન થયું છે, તેનાથી વેપારીઓમાં ભારે નિરાશા વ્યાપેલી હતી. મંત્રીએ વેપારીઓને ખાતરી આપી હતી કે, સરકાર તેમની સાથે છે અને જરૂર પડ્યે યોગ્ય આર્થિક રાહત (Relief Package) મળે તેવા તમામ પ્રયાસો કરવામાં આવશે.

કલેક્ટર કચેરી ખાતે એક ઉચ્ચ સ્તરીય બેઠક

આ આર્થિક નુકસાનને કઈ રીતે ભરપાઈ કરી શકાય અને વેપારીઓને સરકાર તરફથી કેવી રીતે મદદ મળી શકે, તે અંગેના આયોજન માટે  મહત્વનો નિર્ણય લીધો છે. તેમણે આગામી દિવસમાં સુરત જિલ્લા કલેક્ટર કચેરી ખાતે એક ઉચ્ચ સ્તરીય બેઠકનું આયોજન કર્યું છે. આ બેઠકમાં માત્ર અધિકારીઓ જ નહીં, પરંતુ અસરગ્રસ્ત વેપારીઓના પ્રતિનિધિઓને પણ મંત્રીએ ખાસ નિમંત્રણ પાઠવ્યું છે.

Harsh Sanghavi Surat:  નુકસાનીનો ચોક્કસ આંકડો મેળવા કવાયત

આ બેઠકમાં વેપારીઓની નુકસાનીનો ચોક્કસ આંકડો મેળવીને તેને આધારે આર્થિક સહાયનું માળખું તૈયાર કરવામાં આવશે. હર્ષ સંઘવીના આ પગલાથી વેપારીઓમાં આશાનું કિરણ જાગ્યું છે. વહીવટીતંત્ર દ્વારા નુકસાનીના સર્વેની કામગીરી પણ ઝડપથી પૂર્ણ કરવાના આદેશ આપવામાં આવ્યા છે. મંત્રીની આ મુલાકાત અને વેપારીઓ સાથેનો સીધો સંવાદ સરકારની સંવેદનશીલતા દર્શાવે છે.

આ પણ વાંચો: Arvalli: ઝાંઝરી ધોધ જતા પહેલા આ સમાચાર વાંચી લેજો, જિલ્લા મેજિસ્ટ્રેટનું જાહેરનામું જાહેર