ગુજરાત સરકારની મોટી જાહેરાત: બ્લાસ્ટના મૃતકોના પરિવારોને 10 લાખ અને ઈજાગ્રસ્તોને 5 લાખની સહાય

38 ને ફાંસી અને 11 ને આજીવન કેદ, નિર્દોષ આત્માઓને મળ્યો સાચો ન્યાય

નાયબ મુખ્યમંત્રીએ જણાવ્યું હતું કે, 26 જુલાઈ 2008ના રોજ અમદાવાદમાં થયેલા શ્રેણીબદ્ધ વિસ્ફોટોમાં અનેક નિર્દોષ નાગરિકોએ જીવ ગુમાવ્યા હતા. નામદાર હાઈકોર્ટે નીચલી અદાલતનો ચુકાદો યથાવત રાખી 38 આતંકીઓને ફાંસીની સજા (Death Penalty) અને 11 ને આજીવન કેદની સજા (Life Imprisonment) બહાલ રાખી છે. ભારતીય ન્યાયતંત્રના ઈતિહાસનો આ સૌથી મોટો ચુકાદો છે, જેનાથી પીડિત પરિવારોના આંસુ લૂછાયા છે અને નિર્દોષ આત્માઓને ન્યાય મળ્યો છે. તેમણે તપાસ ટીમની રાત-દિવસની અથાણું મહેનતને પણ બિરદાવી હતી.

મુખ્યમંત્રી ભૂપેન્દ્ર પટેલ સરકાર પીડિતોને તાત્કાલિક ચૂકવશે આર્થિક સહાય

ચુકાદાના ભાગરૂપે હાઈકોર્ટ દ્વારા જાહેર કરાયેલી નાણાકીય રાહત અંગે માહિતી આપતા નાયબ મુખ્યમંત્રીએ જણાવ્યું કે, મુખ્યમંત્રી (Chief Minister) ભૂપેન્દ્રભાઈ પટેલની (Bhupendra Patel) સરકારે સંવેદનશીલ અભિગમ અપનાવ્યો છે. બ્લાસ્ટમાં જીવ ગુમાવનારા નિર્દોષ મૃતકોના પરિવારોને 10 લાખ રૂપિયાની સહાય અને ગંભીર રીતે ઈજાગ્રસ્ત થયેલા લોકોને 5 લાખ રૂપિયાની આર્થિક મદદ (Financial Assistance) રાજ્ય સરકાર દ્વારા તાત્કાલિક અસરથી ચૂકવવામાં આવશે. સરકાર હંમેશા પીડિત પરિવારોના પડખે ઊભી છે.

આ પણ વાંચો: Ahmedabad Serial Blast Case: ગુનેગારોનું ડેથ વોરંટ યથાવત, જાણી લો કયા 38 દોષિતોને અપાશે ફાંસી