IND W vs PAK W : સ્મૃતિ મંધાનાની તોફાની બેટિંગની મદદથી ટીમ ઈન્ડિયાએ પાક.ને આપ્યો 171 રનનો ટાર્ગેટ

ભારતની તૈયારીઓ અને મજબૂત ટીમ

ગયા વર્ષે વનડે વર્લ્ડ કપ જીતનાર ખેલાડીઓની મજબૂત ફોજ સાથે ટીમ ઈન્ડિયા ફરી એકવાર આઈસીસી ટ્રોફી જીતવાના ઈરાદા સાથે મેદાનમાં છે. ગ્રુપ-1 માં ભારત માટે દરેક મેચ મહત્વની છે, કારણ કે આ ગ્રુપમાં ઓસ્ટ્રેલિયા અને દક્ષિણ આફ્રિકા જેવી ટીમો સામેલ છે. હરમનપ્રીત કૌરની કેપ્ટનશિપ હેઠળની આ ટીમ પોતાની લય જાળવી રાખવા અને જીત સાથે ટૂર્નામેન્ટમાં શુભારંભ કરવા માટે આતુર છે.

IND W vs PAK W : હેડ ટુ હેડ મેચ

પાકિસ્તાન સામેના રેકોર્ડની વાત કરીએ તો ભારતનું પલ્લું હંમેશા ભારે રહ્યું છે. ટી20 ફોર્મેટમાં બંને ટીમો વચ્ચે અત્યાર સુધીમાં 16 મેચ રમાઈ છે, જેમાંથી 13 મેચોમાં ભારતે જીત મેળવી છે. જ્યારે ટી20 વર્લ્ડ કપના ઇતિહાસમાં 8 વખત થયેલી ટક્કરમાંથી ભારતે 6 મેચ જીતી છે. 2024 ના ટી20 વર્લ્ડ કપમાં પણ ભારતે પાકિસ્તાનને 6 વિકેટથી હરાવ્યું હતું, જે ભારતીય ટીમનો આત્મવિશ્વાસ વધારવા માટે પૂરતું છે. આજે પણ ભારત એકતરફી જીત મેળવીને પોઈન્ટ ટેબલમાં મજબૂત સ્થિતિ બનાવવાના લક્ષ્ય સાથે રમી રહ્યું છે.

બંને ટીમોની પ્લેઈંગ-11

ભારત: સ્મૃતિ મંધાના, શેફાલી વર્મા, જેમિમાહ રોડ્રિગ્સ, હરમનપ્રીત કૌર (કેપ્ટન), ભારતી ફુલમાલી, રિચા ઘોષ (વિકેટકીપર), દીપ્તિ શર્મા, અરુંધતી રેડ્ડી, શ્રેયંકા પાટિલ, શ્રી ચરાણી, ક્રાંતિ ગૌડ.

પાકિસ્તાનઃ ગુલ ફિરોઝા, મુનીબા અલી (વિકેટકીપર), આયેશા ઝફર, સાયરા જબીન, આલિયા રિયાઝ, નતાલિયા પરવેઝ, ફાતિમા સના (કેપ્ટન), રમીન શમીમ, નશરા સંધુ, તસ્મિયા રૂબાબ, સાદિયા ઈકબાલ.

આ પણ વાંચો: Ahmedabad: મેટ્રિમોનિયલ ઠગાઈનો પર્દાફાશ, 'આદિત્ય પટેલ' બનીને મહિલાઓને લૂંટનાર વિધર્મી ઝડપાયો