Jamnagar મા મોડી રાત્રે અને વહેલી સવારે વરસાદી માહોલ, સ્થાનિકોને ગરમીથી મળી રાહત અને ખેડૂતોમાં ખુશીનો માહોલ

સૌરાષ્ટ્રમાં વરસાદની આગાહી

ઉલ્લેખનીય છે કે સૌરાષ્ટ્ર પંથકની વાત કરીએ તો, દ્વારકા, પોરબંદર અને જૂનાગઢમાં પણ વરસાદની આગાહી કરવામાં આવી છે. આ વિસ્તારોમાં સમુદ્રી ભેજના કારણે વાતાવરણમાં પલટો આવશે. હવામાનશાસ્ત્રીઓના મતે, પવનની દિશા અને ભેજને કારણે રાજ્યના તાપમાનમાં પણ ફેરફાર જોવા મળી શકે છે.

જોકે, આ વરસાદી આગાહીને પગલે ખેડૂતોમાં આનંદની લાગણી જોવા મળી રહી છે, કારણ કે લાંબા સમયથી વરસાદની રાહ જોઈ રહેલા પાકને આ પાણીથી જીવતદાન મળી શકે છે. આગામી 48 કલાક રાજ્ય માટે મહત્વના બની રહેશે, જેમાં વાતાવરણમાં પલટો આવતા ખેતીલાયક વરસાદની શક્યતાઓ પ્રબળ બની છે.

દક્ષિણ ગુજરાતમાં વરસાદની આગાહી

આજે ખાસ કરીને દક્ષિણ ગુજરાતના સુરત, ડાંગ અને તાપી જિલ્લામાં હળવાથી મધ્યમ વરસાદની પ્રબળ શક્યતા છે. આ ઉપરાંત નવસારી, વલસાડ, દમણ અને દાદરા નગર હવેલીમાં પણ મેઘરાજાની એન્ટ્રી થઈ શકે છે. સૌરાષ્ટ્રના દરિયાકાંઠાના વિસ્તારોમાં પણ વાદળછાયું વાતાવરણ જોવા મળી રહ્યું છે, જ્યારે કચ્છમાં છૂટાછવાયા વિસ્તારોમાં હળવા ઝાપટાં પડવાની સંભાવના છે.

આ પણ વાંચો : Banaskantha : જમીન વેચવાના બહાને રૂ.1 કરોડથી વધુની છેતરપિંડી થયાનો આક્ષેપ, ખેડૂતે નાયબ મામલતદારની સંડોવણી હોવાની કરી વાત

 

View this post on Instagram

 

A post shared by Gujarat First (@gujaratfirst)