Junagadh : 20 ઇંચ કરતા વધુ વરસાદથી નેશનલ હાઈવેનું 40 ફૂટ જેટલું ધોવાણ, વાહનવ્યવહાર ઠપ થતા સ્થાનિકોમાં ભારે રોષ

સૌરાષ્ટ્રના અન્ય તાલુકાઓમાં પણ સ્થિતિ ગંભીર?

તંત્ર દ્વારા તાત્કાલિક ધોરણે રસ્તો ફરી શરૂ કરવા માટેની તજવીજ હાથ ધરવામાં આવી છે, પરંતુ વરસાદની તીવ્રતાને કારણે કામગીરીમાં મુશ્કેલીઓ પડી રહી છે. માત્ર માંગરોળ જ નહીં, પરંતુ જૂનાગઢ જિલ્લાના માળિયા હાટીના, કેશોદ અને મેંદરડા તાલુકાઓમાં પણ મેઘાનું જોરદાર તાંડવ જોવા મળ્યું છે.

આ તમામ વિસ્તારોમાં નીચાણવાળા વિસ્તારોમાં પાણી ભરાઈ જવાથી લોકોના ઘર અને ખેતરોમાં વરસાદી પાણી ફરી વળ્યા છે. સતત વરસી રહેલા વરસાદને કારણે જળાશયોમાં નવા નીર આવ્યા છે, પરંતુ ખેતી પાકને નુકસાન થવાની ભીતિ પણ સેવાઈ રહી છે.

જૂનાગઢ જિલ્લામાં આજે પણ વરસાદની આગાહી

હવામાન વિભાગની આગાહી મુજબ, આગામી સમયમાં હજુ પણ વધુ વરસાદની શક્યતાઓ છે. આ સંજોગોમાં વહીવટી તંત્ર દ્વારા લોકોને અત્યંત જરૂરિયાત વગર ઘરની બહાર ન નીકળવા અને નદી-નાળા કે ધોવાણ થયેલા રસ્તાઓથી દૂર રહેવા સૂચના આપવામાં આવી છે. માંગરોળ પંથકમાં સર્જાયેલી આ કુદરતી આપત્તિના પગલે સ્થાનિક ધારાસભ્યો અને વહીવટી અધિકારીઓ સ્થિતિ પર બાજ નજર રાખી રહ્યા છે.

આ પણ વાંચો : Surat : 'તેરા તુઝકો અર્પણ' કાર્યક્રમ હેઠળ લૂંટાયેલા રૂ.35 લાખ વેપારીઓને સોંપાયા, સુરત પોલીસની નિષ્ઠાવાન કામગીરી