Kheda: અમદાવાદ-ડાકોર રોડ થશે ટ્રાફિક ફ્રી, રૂપિયા 400 કરોડના ખર્ચે બનશે નવો ઓવરબ્રિજ

ઉત્તરસંડા બનશે બુલેટ ટ્રેનનું નવું સ્ટોપેજ

સાંસદ દેવુસિંહ ચૌહાણે મોદી સરકારના (Modi Government) 12 વર્ષના સુશાસન અને વિકાસ કાર્યોની માહિતી આપતા જણાવ્યું હતું કે, ખેડા જિલ્લાને ભવિષ્યમાં બુલેટ ટ્રેન (Bullet Train) પ્રોજેક્ટનો પણ લાભ મળશે. ઉત્તરસંડા પાસે બુલેટ ટ્રેનનું નવું સ્ટોપેજ બનાવવામાં આવશે. આ સ્ટોપેજ કાર્યરત થવાથી આસપાસના વિસ્તારોમાં નવો સીટી એરિયા (City Area) વિકસશે. જેના પરિણામે નડિયાદ (Nadiad) અને આણંદ (Anand) હવે એક 'ટ્વીન સિટી' (Twin City) તરીકે વિકસશે, જે આર્થિક રીતે સમગ્ર વિસ્તાર માટે ખૂબ જ ફાયદાકારક સાબિત થશે.

વિકાસના કામોની ગતિમાં વધારો

પ્રેસ કોન્ફરન્સ દરમિયાન જિલ્લાના આગામી વિકાસના કાર્યોની વિસ્તૃત રૂપરેખા રજૂ કરવામાં આવી હતી. સરકારનો મુખ્ય ઉદ્દેશ્ય જિલ્લામાં આધુનિક માળખાગત સુવિધાઓ ઊભી કરવાનો છે. રસ્તાઓ, રેલવે અને અન્ય કનેક્ટિવિટી પ્રોજેક્ટ્સ પૂર્ણ થવાથી ખેડા જિલ્લાના ઉદ્યોગો અને ખેતીવાડી ક્ષેત્રે પણ સકારાત્મક અસર જોવા મળશે. આ પ્રોજેક્ટ્સથી સ્થાનિક રોજગારીની તકોમાં પણ વધારો થવાની આશા વ્યક્ત કરવામાં આવી છે.

આ પણ વાંચો: Kutch Railway Project: હવે દોડશે નવી ટ્રેનો, Adipur-Bhuj રેલવે ટ્રેક ડબલિંગ પ્રોજેક્ટને મળી લીલી ઝંડી