Kutch Railway Project: હવે દોડશે નવી ટ્રેનો, Adipur-Bhuj રેલવે ટ્રેક ડબલિંગ પ્રોજેક્ટને મળી લીલી ઝંડી

આ મહત્વકાંક્ષી પ્રોજેક્ટ અંતર્ગત રૂ. 493 કરોડના જંગી ખર્ચે આશરે 49 કિલોમીટર લાંબી સિંગલ રેલવે લાઇનને ડબલ ટ્રેકમાં ફેરવવામાં આવશે. સરકારના આ નિર્ણયથી સમગ્ર કચ્છ જિલ્લામાં રેલવે કનેક્ટિવિટી અને ટ્રેનોના સંચાલનની ક્ષમતામાં અભૂતપૂર્વ વધારો થશે.

દર વર્ષે 12 મિલિયન ટન વધુ માલ પરિવહન થશે

આ નવો ડબલ ટ્રેક તૈયાર થવાથી આદિપુર-ભુજ રેલખંડ (Rail Section) પર વર્ષોથી રહેતું ટ્રાફિકનું ભારે ભારણ ખૂબ જ ઘટી જશે. લાઇન ડબલિંગ થવાના કારણે હવે બંને દિશામાં 2 વધારાની નવી પેસેન્જર ટ્રેનો (Passenger Trains) દોડાવવાનો માર્ગ એકદમ મોકળો બની ગયો છે, જેનો સીધો લાભ સ્થાનિક મુસાફરો અને પ્રવાસીઓને મળશે.

આ ઉપરાંત, આર્થિક દૃષ્ટિકોણથી આ પ્રોજેક્ટ ગેમ ચેન્જર સાબિત થશે, કારણ કે ડબલ લાઇન થવાથી દર વર્ષે 12 મિલિયન ટન જેટલું વધારાનું ગુડ્ઝ ટ્રાફિક એટલે કે માલ પરિવહન (Freight Transport) શક્ય બનશે, જે સ્થાનિક ઉદ્યોગોને મોટી બૂસ્ટર ડોઝ આપશે.

રેલવે લાઇનની કાયાપલટ કરવા સરકાર તૈયાર

આ નવો નિર્ણય માત્ર આદિપુર અને ભુજ પૂરતો સીમિત નથી, પરંતુ તે ભવિષ્યની મોટી રેલવે યોજનાઓ જેવી કે ભુજ-નલિયા (Bhuj-Naliya) રેલવે લાઇનના વિસ્તરણ માટે પણ એક મજબૂત અને મોટો આધાર પૂરો પાડશે. કચ્છમાં ઔદ્યોગિકીકરણ ખૂબ જ ઝડપથી વધી રહ્યું છે, ત્યારે રેલવે ઇન્ફ્રાસ્ટ્રક્ચર (Railway Infrastructure) ના આ આધુનિકીકરણથી સમગ્ર પંથકના સર્વાંગી આર્થિક વિકાસને એક નવી ઊર્જા અને ગતિ મળશે. મુસાફરીનો સમય ઘટવાની સાથે વેપાર-રોજગારના નવા દ્વારા ખુલતા કચ્છી પ્રજામાં ભારે ઉત્સાહનો માહોલ જોવા મળી રહ્યો છે.

આ પણ વાંચો: APMC કર્મચારીઓ માટે દિવાળી જેવો માહોલ, સરકાર આપશે 2 પગાર સુધીનું બોનસ