Gujarat First News સાથે DIGP કે.એન. ડામોરે કરી વાત
ગુજરાત ફર્સ્ટ ન્યૂઝ સાથેની ખાસ વાતચીતમાં DIGP કે.એન. ડામોરે ભારપૂર્વક જણાવ્યું હતું કે, સરહદી ગામડાઓ આપણા દેશની પ્રથમ સુરક્ષા કવચ સમાન છે. તેમણે ગામના લોકોને સરહદી સુરક્ષા મામલે હંમેશા સતર્ક અને એલર્ટ રહેવા માટે અપીલ કરી હતી. સાથે જ કોઈપણ અજાણી પ્રવૃત્તિ કે શંકાસ્પદ હિલચાલ જણાય તો તાત્કાલિક સ્થાનિક પોલીસને જાણ કરવા માટે તાકીદ કરી હતી.
આ મુલાકાતનું સૌથી મહત્વનું પાસું શિક્ષણ રહ્યું
આ મુલાકાતનું સૌથી મહત્વનું પાસું શિક્ષણ રહ્યું હતું. DIGP ડામોરે ગ્રામજનોને શિક્ષણનું મહત્વ સમજાવતા જણાવ્યું હતું કે, વિસ્તારના સર્વાંગી વિકાસ માટે બાળકોનું શિક્ષણ અત્યંત અનિવાર્ય છે. શિક્ષણ દ્વારા જ સરહદી વિસ્તારના યુવાનો દેશના વિકાસમાં મહત્વનું યોગદાન આપી શકશે. તેમણે અધિકારીઓને ગ્રામજનોના શિક્ષણ અને આરોગ્ય સંબંધિત પ્રશ્નોના નિરાકરણ માટે સત્વરે પગલાં લેવા સૂચના આપી હતી.
Kutch: સરહદી સુરક્ષાના પડકારો વિશે પણ ચર્ચા
આ વિસ્તારના લોકોની પ્રાથમિક સુવિધાઓ અને સરહદી સુરક્ષાના પડકારો વિશે પણ ચર્ચા કરવામાં આવી હતી. અધિકારીની આ મુલાકાતથી સરહદી વિસ્તારોમાં સુરક્ષા વ્યવસ્થા વધુ સઘન બનવાની સાથે તંત્ર અને નાગરિકો વચ્ચેનો સેતુ મજબૂત બનશે તેવી અપેક્ષા સેવાઈ રહી છે. સ્થાનિકોએ પણ પોલીસની આ સક્રિયતાને આવકારી હતી. આગામી સમયમાં આ ગામના વિકાસ માટે તંત્ર દ્વારા ચોક્કસ આયોજન કરવામાં આવશે તેવી ખાતરી પણ અધિકારી દ્વારા આપવામાં આવી હતી. સુરક્ષા અને શિક્ષણના બેવડા અભિગમ સાથે કરવામાં આવેલી આ મુલાકાત કચ્છના સરહદી પંથકમાં ચર્ચાનો વિષય બની છે.
આ પણ વાંચો: Bhavnagar: ગૌતમેશ્વર તળાવમાં યુવકનું ડૂબી જવાથી મોત, આર્થિક સંકડામણ કારણભૂત હોવાની ચર્ચા
