Kutch ના મુન્દ્રામાં ગાડી રોકવા બાબતે થયેલા વિવાદમાં વૃદ્ધની હત્યા, પોલીસની ટીમ આરોપીને શોધવા કામે લાગી

હત્યા કરી આરોપીઓ ફરાર થયા

આ સામાન્ય લાગતો વિવાદ થોડી જ વારમાં એટલો ઉગ્ર બન્યો કે સામેવાળા શખ્સોએ હિંસક વલણ અપનાવ્યું હતું. આરોપીઓએ એકાએક અબ્દુલાભાઈની રિક્ષા ઉભી રખાવી હતી અને તેમની પર લોખંડના પાઈપ વડે આડેધડ હુમલો કર્યો હતો.

લોખંડના પાઈપના ઘા એટલા ગંભીર હતા કે અબ્દુલાભાઈને બચવાની કોઈ તક ન મળી અને ગંભીર ઈજાઓને કારણે ઘટનાસ્થળે જ તેમનું મોત નીપજ્યું હતું. આટલી ક્રૂરતા આચર્યા બાદ બંને આરોપીઓ તુરંત જ ત્યાંથી ફરાર થઈ ગયા હતા. ઘટનાની જાણ થતા જ આસપાસના લોકો દોડી આવ્યા હતા, પરંતુ ત્યાં સુધીમાં ખૂબ મોડું થઈ ગયું હતું.

મુન્દ્રા પોલીસે હત્યાનો ગુનો નોંધ્યો

સ્થાનિક પોલીસને જાણ કરવામાં આવતા મુન્દ્રા પોલીસનો કાફલો ઘટનાસ્થળે દોડી આવ્યો હતો. પોલીસે લાશનો કબજો મેળવી પીએમ (PM) માટે મોકલી આપી છે અને આસપાસના લોકોના નિવેદનો નોંધી આરોપીઓને પકડવા માટે ચક્રો ગતિમાન કર્યા છે.

મુન્દ્રા જેવા શાંત વિસ્તારમાં આ પ્રકારની હત્યાની ઘટનાથી સ્થાનિકોમાં ભારે રોષ અને ભયનું વાતાવરણ જોવા મળી રહ્યું છે. અત્યારે પોલીસ ફરાર આરોપીઓના સીસીટીવી ફૂટેજ અને અન્ય પુરાવાઓ એકત્ર કરીને કાયદેસરની કાર્યવાહી કરી રહી છે.

આ પણ વાંચો : Headline 12 PM : વાંચો સવારના 7 થી બપોરના 12 વાગ્યા સુધીના મહત્વના સમાચાર એક કિલક પર