Mahisagar: વરસાદના પાણીમાં નવી બની રહેલી પ્રોટેક્શન દીવાલ ધોવાઈ, કામગીરી સામે ઉઠ્યા સવાલ

બાંધકામની ગુણવત્તા પર ગંભીર સવાલો

હેડવર્કસ પ્રોટેક્શન વોલ (Protection Wall) નું કામ લોકોની સુરક્ષા અને માળખાકીય મજબૂતી માટે કરવામાં આવ્યું હતું, તે જ પ્રોટેક્શન વોલ ગાયબ થઈ ગઈ છે. એટલું જ નહીં, વોટરવર્કસનું જે નવીન મકાન (New Building) તૈયાર કરવામાં આવ્યું છે, તેમાં પણ પાણી જમી (Water Seepage) રહ્યું છે, જે બાંધકામની ગુણવત્તા પર ગંભીર સવાલો ઊભા કરે છે.

કોન્ટ્રાક્ટરે શું કહ્યું?

લુણાવાડાના કોંગ્રેસના ધારાસભ્ય ગુલાબસિંહ ચૌહાણ (Congress MLA Gulabsinh Chauhan) આ વિસ્તારમાંથી પસાર થઈ રહ્યા હતા ત્યારે તેમની નજર આ દ્રશ્યો પર પડી હતી. તેમણે તાત્કાલિક સ્થળ પર ઉભા રહીને પરિસ્થિતિનું નિરીક્ષણ કર્યું હતું. ધારાસભ્યએ મકાનમાં પાણી ઉતરી રહ્યું છે અને દીવાલની ફરતેની માટી સંપૂર્ણપણે ધોવાઈ ગઈ છે.  કોન્ટ્રાક્ટર દ્વારા માત્ર જોવડાવી લઈશું તેવો સામાન્ય જવાબ આપવામાં આવ્યો હતો.

ભ્રષ્ટાચારની ગંધ

ધારાસભ્ય ગુલાબસિંહ ચૌહાણે સીધો આક્ષેપ કરતા જણાવ્યું હતું કે, આ સરકારી કામોમાં મોટા પ્રમાણમાં ભ્રષ્ટાચાર (Corruption) અને કટકી (Commission) કરવામાં આવી હોવાને કારણે જ આ પ્રકારનું નબળું કામ થયું છે. હજુ તો ચોમાસાની માત્ર શરૂઆત (Start of Monsoon) થઈ છે, ત્યારે પ્રથમ વરસાદમાં જ કામગીરીની પોલ ખૂલી ગઈ છે.

આ પણ વાંચોઃ Ahmedabad માં પ્રિ-મોન્સૂન કામગીરીની પોલ ખુલી, ગોતામાં નવો બનેલો રોડ બેસી ગયો