Rajkot : શાપર-વેરાવળ વિસ્તારમાં વૃદ્ધને બંધક બનાવી 2.47 કરોડ રોકડા તેમજ 5 થી 7 તોલા સોનાના દાગીનાની લૂંટ કરાઈ

શાપર-વેરાવળ વિસ્તારમાં કરોડોની લૂંટ

આ લૂંટ રાત્રે 1 વાગ્યાની આસપાસ બની હોવાની વાત સામે આવી ચે. 77 વર્ષીય જીતેન્દ્રસિંહ જાડેજા નામના વૃદ્ધને બંધક બનાવી ચલાવી લૂંટ અને ઘરમાં રહેલ 2.47 કરોડ રોકડા તેમજ 5 થી 7 તોલા સોના સહિતની લૂંટ થઈ છે.

ઘટનાની જાણ થતા રાજકોટ ગ્રામ્ય એસપી સહિતના ઉચ્ચ અધિકારીઓ ઘટના સ્થળે દોડી ગયા છે અને એલસીબી, સ્થાનિક પોલીસની જુદી જુદી ટીમો આરોપીઓને શોધવા માટે કામે લાગી છે, વૃદ્ધના જણાવ્યા અનુસાર 5 થી 7 શખ્સો બુકાનીધારી હતા અને તેમને ઘટનાને અંજામ આપ્યો છે.

કોઈ જાણભેદુએ લૂંટ કરી!

બનાવ સ્થળની આસપાસના સીસીટીવી ફૂટેજ સહિતનાં તપાસવામાં આવી રહ્યા છે અને જાડેજા પરિવાર ખેતી, પેટ્રોલ પંપ તેમજ પ્લોટિંગના વ્યવસાય સાથે સંકળાયેલ છે.

શાપર વેરાવળ પોલીસે ફરિયાદ નોંધવાની તજવીજ શરૂ કરી છે. પોલીસે આસપાસના તમામ સીસીટીવી ફૂટેજ મેળવીને શંકાસ્પદ હિલચાલના આધારે તપાસ તેજ કરી છે. રાજકોટમાં મોડી રાત્રે બનેલી આ ઘટનાથી સ્થાનિક વેપારીઓ અને ઉદ્યોગપતિઓમાં ભારે ફફડાટ વ્યાપી ગયો છે.

આ પણ વાંચો : Kutch : ભાજપના યુવા નેતા સામે મહિલાની ગંભીર ફરિયાદ, અશ્લીલ મેસેજ કર્યા હોવાનો આક્ષેપ લાગ્યો