હેબુવા ગામના આરોપી નટવરસિંહ ડાભી સામે પોલીસે કાયદેસરની કાર્યવાહી કરી છે. છેલ્લા કેટલા સમયથી આ કૌંભાડ ચાલતું હતુ તે દિશામાં પોલીસે તપાસ શરૂ કરી છે, જે વ્યકિત સામે ગુનો નોંધાયો છે તેના સિવાય અન્ય કોણ-કોણ સંડોવાયેલું છે તે દિશામાં પોલીસની તપાસ ચાલી રહી છે.
ત્રણ નકલી સિક્કા જપ્ત કરાયા
મહેસાણાની જનરલ સિવિલ હોસ્પિટલના સિવિલ સર્જન અને રેસિડેન્ટ મેડિકલ ઓફિસર RMO ના નામે નકલી સહી અને બનાવટી સિક્કા બનાવી સરકારી મેડિકલ સર્ટિફિકેટ મેળવવાનો પ્રયાસ કરવાનું એક મોટું કૌભાંડ સામે આવ્યું છે. આ મામલે હોસ્પિટલના વહીવટી અધિકારીએ મહેસાણા તાલુકા પોલીસ મથકમાં ફરિયાદ નોંધાવી છે. પોલીસે 3 નકલી સિક્કા જપ્ત કર્યા છે અને ગુનામાં સંડોવાયેલા 4 લોકો ગુનો નોંધવામાં આવ્યો છે.
ચાર શખ્સો સામે પોલીસ ફરિયાદ
સમગ્ર ઘટનાને લઈ હોસ્પિટલમાં અન્ય સ્ટાફ સંડોવાયેલો છે કે નહી તે દિશામાં પણ પોલીસ તપાસ કરી રહી છે. નકલી દસ્તાવેજો બનાવનાર નટવરસિંહ રાજુજી ડાભી તેમજ આ કૌભાંડમાં સંડોવાયેલા અન્ય તમામ શખ્સો વિરૂદ્ધ મહેસાણા તાલુકા પોલીસ સ્ટેશનમાં ગુનો દાખલ કરાવ્યો છે. પોલીસે જપ્ત કરાયેલા સિક્કા અને બોગસ દસ્તાવેજોના આધારે આગળની કાયદેસરની કાર્યવાહી હાથ ધરી છે.
આ પણ વાંચો : Headline 03 PM : વાંચો બપોરના 12 થી બપોરના 3 વાગ્યા સુધીના મહત્વના સમાચાર એક કિલક પર
