Mehsana DILR કચેરીનો સર્વેયર પ્રથમ હપ્તા પેટે રૂ.70 હજારની લાંચ લેતા ACB ના હાથે ઝડપાયો

પ્રથમ હપ્તા પેટે 70 હજાર માંગ્યા

આ કામના ફરીયાદીની જમીન ગામ-સુરજ તા-બેચરાજી જિલ્લો-મહેસાણા ખાતે ના સર્વે નંબર 210ની જમીનની હિસ્સાદુરસ્તી ( જમીનમાપણી કરાવાની હોવાથી ડી.આઇ.એલ.આર કચેરી મહેસાણા ખાતે અરજી કરેલ જે આધારે આ કામના આરોપીએ ફરીયાદીનો સંપર્ક કરી ફરીયાદીની જમીન માપણી કરી માપણીની શીટો સબમિટ કરવા સારુ પ્રથમ રૂ.1,90,000ની લાંચની માંગણી કરી હતી જેમાં આરોપીએ પ્રથમ હપ્તા પેટે રૂં.70 હજાર માંગ્યા હતા.

આ કામ માટે કુલ 1.90 લાખ રૂપિયાની માંગણી કરી હતી

યુવક લાંચ આપવા માંગતો ન હોવાથી તેણે ગાંધીનગર એસીબીનો સંપર્ક કર્યો હતો. આ અંગે એસીબીના પીઆઈ ડી.એ. ચૌધરી અને તેમની ટીમે ગુરુવારે છટકું ગોઠવ્યું હતું. યુવક જ્યારે 70 હજાર રૂપિયા લઈને પહોંચ્યો, ત્યારે આરોપી આશિષ પરમાર કોઈને શંકા ન જાય તે માટે યુવકને જૂની કોર્ટ કેમ્પસમાં આવેલી ચાની કીટલી પર લઈ ગયો હતો.

આ પણ વાંચો : Banaskantha : વાવ-થરાદના રામપુરા ગામના મહિલા સરપંચ સામે કડક કાર્યવાહી, જિલ્લા વિકાસ અધિકારીએ હોદ્દા પરથી કર્યા દૂર!