Mehsana: ફ્રુટ માર્કેટમાં ભીષણ આગનું તાંડવ, 6 દુકાનો અને 2 ટ્રક બળીને ખાખ

આગ પર કાબૂ મેળવવા યુદ્ધના ધોરણે પ્રયાસ

આગ લાગવાની ઘટનાની જાણ થતાં જ મહેસાણા ફાયર વિભાગની 4 ગાડીઓ તાત્કાલિક ઘટનાસ્થળે દોડી આવી હતી. આગ પર કાબૂ મેળવવા માટે ફાયર ફાઈટરો દ્વારા યુદ્ધના ધોરણે કામગીરી હાથ ધરવામાં આવી હતી. સુરક્ષાના ભાગરૂપે માર્કેટ વિસ્તારનો વીજ પુરવઠો તાત્કાલિક અસરથી બંધ કરી દેવામાં આવ્યો હતો, જેથી આગ વધુ ન ફેલાય.

Mehsana:  તમામ માલ સામાન બળીને ખાખ

ઘટનાને પગલે સ્થાનિક વેપારીઓમાં ભારે ફફડાટ ફેલાયો હતો. વેપારીઓનું કહેવું છે કે, આ આગમાં ફ્રુટના જથ્થા ઉપરાંત પેઢીઓમાં રહેલો માલ-સામાન પણ બળીને ખાખ થઈ ગયો છે, જેના કારણે વેપારીઓને લાખો રૂપિયાનું મોટું આર્થિક નુકસાન થવાની ભીતિ સેવાઈ રહી છે. સદનસીબે, આ ઘટનામાં કોઈ જાનહાનિના અહેવાલ નથી, પરંતુ માર્કેટમાં રહેલા અન્ય વેપારીઓએ પોતાનો સામાન સુરક્ષિત સ્થળે ખસેડવાની કવાયત હાથ ધરી હતી.

શોર્ટ સર્કિટના કારણે આગ લાગ્યાની શંકા

પ્રાથમિક તપાસમાં શોર્ટ સર્કિટના કારણે આગ લાગી હોવાની આશંકા વ્યક્ત કરવામાં આવી રહી છે. જોકે, આગનું ચોક્કસ કારણ ફાયર વિભાગની તપાસ બાદ જ બહાર આવશે. તંત્ર દ્વારા ઘટનાસ્થળને કોર્ડન કરી દેવામાં આવ્યું છે અને તપાસ પ્રક્રિયા ચાલુ છે. મહેસાણામાં આ પ્રકારની આગની ઘટનાએ માર્કેટ વિસ્તારમાં અગ્નિશમનના સાધનો અને સુરક્ષા અંગે ફરી એકવાર ગંભીર પ્રશ્નો ઉભા કર્યા છે. સ્થિતિ પર હવે તંત્રની બાજ નજર છે.

આ પણ વાંચો: Surendranagar: સોલડી ગામમાં બાયોમેડિકલ પ્લાન્ટનો પ્રચંડ વિરોધ, પ્લાન્ટને મંજૂરી આપવામાં આવશે તો ..!