Mehsana Rain : મહેસાણાના કડીમાં માત્ર ૩ ઇંચ વરસાદથી જળબંબાકાર, અંડરપાસ અને કોમ્પલેક્ષસમાં પાણી વહ્યા

અંડરપાસમાં પાણી ભરાઈ જવાના કારણે વાહનવ્યવહાર ઠપ થઈ ગયો છે અને નાગરિકોને અવરજવર કરવામાં ભારે મુશ્કેલીઓનો સામનો કરવો પડી રહ્યો છે. આ સિવાય શહેરના અનેક નીચાણવાળા વિસ્તારો અને મુખ્ય રોડ-રસ્તાઓ પર નદીઓ વહેતી હોય તેવા દ્રશ્યો સર્જાયા છે, જેના કારણે માર્ગો પર વાહનો ફસાઈ ગયા હતા.

વ્યવસાયિક સંકુલોની અંદર પાણી ઘૂસી ગયા

આ વરસાદ દરમિયાન સોશિયલ મીડિયા પર કડીનો એક અત્યંત ચોંકાવનારો વીડિયો વાયરલ થઈ રહ્યો છે. શહેરના જાણીતા તપોવન લેન્ડમાર્ક શોપિંગ સેન્ટરમાં વરસાદી પાણીનું વહન જોઈને સૌ કોઈ આશ્ચર્યચકિત થઈ ગયા છે.

કોમ્પલેક્ષના નીચાણવાળા ભાગો તો ઠીક, પરંતુ ઉપરના માળે પણ પાણીનો જાણે કોઈ ધોધ વહી રહ્યો હોય તે પ્રકારે પાણી ફરી વળ્યા હતા. શોપિંગ સેન્ટર અને વ્યવસાયિક સંકુલોની અંદર પાણી ઘૂસી જતાં વેપારીઓને ભારે નુકસાન સહન કરવાનો વારો આવ્યો છે.

ડ્રેનેજ સિસ્ટમની કાયમી સમસ્યાનું નિરાકરણની સ્થાનિકોની માગ

માત્ર ત્રણ ઇંચ વરસાદમાં જ કડીની આંતરમાળખાકીય સુવિધાઓની નબળી હાલત ખુલ્લી પડી ગઈ છે. સ્થાનિક નાગરિકોમાં તંત્ર સામે ભારે રોષ જોવા મળી રહ્યો છે. પ્રશાસન દ્વારા પાણીના નિકાલ માટેની કામગીરી હાથ ધરવામાં આવી છે, પરંતુ સ્થાનિક લોકોની માગ છે કે ડ્રેનેજ સિસ્ટમની કાયમી સમસ્યાનું નિરાકરણ લાવવામાં આવે જેથી દર ચોમાસે આવી હાલાકીનો સામનો ન કરવો પડે.

આ પણ વાંચો : Navsari Rain : નવસારીની પૂર્ણા નદીનાં પાણી શહેરમાં ફરી વળ્યા, કાલીયાવાડી વિસ્તારમાં કાર પાણીમાં ફસાઈ

 

View this post on Instagram

 

A post shared by Gujarat First (@gujaratfirst)