Mehsana Rain : ગાજવીજ સાથે સમગ્ર જિલ્લામાં ધોધમાર વરસાદ, બહુચરાજીના અંડરપાસમાં ભરાયા પાણી, જુઓ Video

અંડરપાસમાં પાણી ભરાતા વાહનચાલકોને હાલાકી

ઉલ્લેખનીય છે કે બહુચરાજી પંથકમાં વરસાદી માહોલ વચ્ચે લોકોની મુશ્કેલીઓ વધી છે. જો કે ભારે વરસાદના પગલે રેલવે અંડરપાસમા પાણી ભરાઈ ગયા છે. જેથી વાહનચાલકોને ભારે હાલાકીનો સામનો કરી રહ્યાં છે. મહત્વનું છે કે, બહુચરાજી અંડરપાસમાં પાણી ભરાવાની આ સમસ્યા હવે કાયમી (Permanent issue) બની ગઈ છે, જેના કારણે સ્થાનિકોમાં વહીવટી તંત્ર સામે ભારે રોષ જોવા મળી રહ્યો છે.

વહીવટી તંત્ર એલર્ટ મોડ પર

વરસાદને કારણે અંડરપાસમાં પાણી ભરાતા વાહનવ્યવહાર પર પણ માઠી અસર પડી છે. સ્થાનિક રહીશોનું કહેવું છે કે, દર ચોમાસે અંડરપાસમાં પાણી ભરાઈ જાય છે અને તંત્ર દ્વારા માત્ર કામચલાઉ ઉકેલ લાવવામાં આવે છે. આ વખતે પણ સવારથી જ વાહનચાલકોને લાંબા રસ્તે ફરીને જવાની ફરજ પડી હતી. જો વરસાદનું જોર યથાવત રહેશે, તો આગામી કલાકોમાં સ્થિતિ વધુ ગંભીર બની શકે છે.

 

View this post on Instagram

 

A post shared by Gujarat First (@gujaratfirst)

તંત્ર દ્વારા તાત્કાલિક ધોરણે પાણીના નિકાલની વ્યવસ્થા કરવામાં આવે તેવી માંગ ઉઠી છે. વરસાદની આગાહી વચ્ચે જિલ્લા વહીવટી તંત્ર પણ એલર્ટ મોડ પર છે, પરંતુ અંડરપાસ જેવી પાયાની સમસ્યાઓ ઉકેલવામાં તંત્ર નિષ્ફળ સાબિત થઈ રહ્યું છે. લોકો હવે આ સમસ્યાનો કાયમી ઉકેલ ઈચ્છી રહ્યા છે.

આ પણ વાંચો : Gujarat News Today: આજે 04 જુલાઈ 2026 ના દિવસે શું થશે ગુજરાતમાં?