અકસ્માતમાં અર્ટિગા અને વોલ્વો કારને અંદાજે રૂ.5 લાખનું નુકસાન થયું હોવાનું સામે આવ્યું છે. ઘટનામાં મોટરસાયકલ ચાલકને ઈજા પહોંચતા સિવિલ હોસ્પિટલ ખસેડાયા છે. મહેસાણા બી-ડિવિઝન પોલીસ દ્વારા ટ્રક ચાલક વિરુદ્ધ ગુનો નોંધીને તપાસ હાથ ધરાઈ.
મહેસાણા બી ડિવિઝન પોલીસે નોંધ્યો ગુનો
મહેસાણાની રામોસણ ચોકડી પાસે અકસ્માતની ઘટના બની હતી જેમાં ફુલ સ્પીડમાં આવી રહેલા ટ્રકના ચાલકે કાર અને બાઈકને અડફેટે લીધા હતા જેના કારણે કારને મોટું નુકસાન પહોંચ્યું છે.
તો ઘટનાની જાણ થતા પોલીસ પણ પહોચી હતી અને ટ્રકના ડ્રાઈવરની અટકાયત કરીને ગુનો નોંધ્યો છે, આ કેસમાં ઈજાગ્રસ્તોને સારવાર માટે ખસેડાયા છે, તો કોઈ મોતના સમાચાર નથી. આ બેફામ ટ્રકે સૌપ્રથમ એક મોટરસાઇકલને ટક્કર મારીને તેના ચાલકને નીચે પાડી દઈ ઈજાઓ પહોંચાડી હતી. ત્યારબાદ ટ્રકે ત્યાં પાર્ક કરેલી અર્ટીગા ગાડીને સામેથી જોરદાર ટક્કર મારી હતી.
બાઈક ચાલક ઈજાગ્રસ્ત થયો
અકસ્માતને પગલે હાઇવે પર લોકોના ટોળેટોળાં ઉમટી પડ્યા હતા અને એકઠા થયેલા લોકોએ ટ્રક ડ્રાઇવર સાથે ઝપાઝપી કરી હતી. બી ડિવિઝન પોલીસે અર્ટીગા ગાડીના ચાલકની ફરિયાદના આધારે અજાણ્યા ટ્રક ચાલક વિરૂદ્ધ ગુનો નોંધી આગળની કાયદેસરની કાર્યવાહી હાથ ધરી છે.
આ પણ વાંચો : Surat : તાજિયા વિસર્જનને લઈ પોલીસ એલર્ટ મોડ પર, સંવેદનશીલ વિસ્તારોમાં સઘન પેટ્રોલિંગ અને સુરક્ષા વ્યવસ્થાની સમીક્ષા
