Ahmedabad: પોશ વિસ્તારમાં કાફેની ગંભીર બેદરકારી, પ્રખ્યાત Mocha Cafe ની કોફીમાં જોવા મળી જીવાત
Mocha Cafe Ahmedabad: અમદાવાદ (Ahmedabad) શહેરના બોડકદેવ (Bodakdev) જેવા પોશ વિસ્તારમાં આવેલી જાણીતી ફૂડ ચેઈન 'મોચા કાફે' ફરી એકવાર વિવાદમાં આવી છે. અહીં ગ્રાહકોની સ્વાસ્થ્ય સુરક્ષા સાથે સીધા ચેડાં થતા હોવાના ગંભીર આક્ષેપો થયા છે. ઘટનાક્રમ મુજબ, કુલદીપસિંહ નામના એક ગ્રાહકે અહીં કોફી ઓર્ડર કરી હતી, પરંતુ જ્યારે કોફી ટેબલ પર આવી ત્યારે તેમાં જીવાતોનો ભરાવો જોઈને તેઓ ચોંકી ઉઠ્યા હતા.
Ahmedabad: અન્ય ગ્રાહકોને પણ થયો કડવો અનુભવ
આ માત્ર એકલદોકલ ઘટના ન હોવાનું અન્ય ગ્રાહકો દ્વારા પણ જણાવવામાં આવ્યું છે. અન્ય એક ગ્રાહકે આક્ષેપ કર્યો હતો કે તેમના ભોજનમાં પણ જીવાત જોવા મળી હતી. એટલું જ નહીં, કેફેના આંતરિક વાતાવરણની દયનીય સ્થિતિનો પણ ખુલાસો થયો છે, જેમાં કાફેની દિવાલો પર જીવાતો ફરતી જોવા મળી હતી. એક પ્રતિષ્ઠિત અને મોંઘી બ્રાન્ડ ગણાતા આ કાફેમાં સ્વચ્છતા (Hygiene) ના ધજાગરા ઉડતા હોવાથી લોકોમાં રોષ જોવા મળી રહ્યો છે.
Ahmedabad | કાફેમાં કોફી પીવાના શોખીનો ચેતી જજો! જોઈ લો આ વીડિયો | Gujarat First
અમદાવાદના મોચા કાફેની કોફીમાં જીવાતનો ઢગલો!
અમદાવાદ વધુ એક કાફેની બેદરકારી
બોડકદેવ વિસ્તારમાં આવેલ પ્રખ્યાત મોચા કાફે કોફીમાં નીકળી જીવાત
ગ્રાહક કુલદીપસિંહ દ્વારા માંગવામાં આવેલ કોફીમાં જીવતાના… pic.twitter.com/6UXGThk03P— Gujarat First (@GujaratFirst) May 28, 2026
ઘટના બાદ ગ્રાહકોએ ત્વરિત ફરિયાદ નોંધાવી
આ ઘટના બાદ ગ્રાહકોએ ત્વરિત ફરિયાદ નોંધાવી છે અને અમદાવાદ મ્યુનિસિપલ કોર્પોરેશન (AMC) ના ફૂડ વિભાગ (Food Department) પાસે કાફે સામે કડક કાયદાકીય કાર્યવાહી કરવાની માંગ કરી છે. ફૂડ લાયસન્સ અને સ્વચ્છતાના નિયમોનું પાલન ન કરનારા આવા કેફે વિરુદ્ધ તંત્ર ક્યારે પગલાં લેશે, તે જોવું રહ્યું.
આ પણ વાંચો: Ahmedabad: ઓલિમ્પિક-કોમનવેલ્થ ગેમ્સની તૈયારીઓ શરૂ, અમિતભાઈ શાહની અધ્યક્ષતામાં હાઈ-લેવલ બેઠક