જેલમાં ચૈતર વસાવા હવે ધારાસભ્ય તરીકે નહીં પણ કેદી નંબર 90888 નંબરથી ઓળખાશે અને આપ પાર્ટીની લીગલ સેલે ગુજરાત હાઈકોર્ટમાં જવાની તૈયારીમાં લાગી ગઈ છે.
190 પાનાનો ચુકાદો આખરી હુકમ
નર્મદાનાં એડી.સેશન્સ જજની કોર્ટમાં એ.વી.હિરપરા,એડી.સેશન્સ જજનો ચુકાદો આવ્યો હતો જેમાં ઈ.પી.કો.કલમ-143, 147, 148, 149, 189, 332, 353, 386, 294 (બી), 506(2), 201, 34 તથા આર્મ્સ એકટ કલમ-25(1)(એ) મુજબ સજા કરવામાં આવી છે, આખરી હુકમનો ચુકાદો 18 પાનાનો છે અને કુલ 9 આરોપીને સજા ફટકારવામાં આવી છે.
સજા પામેલ કુલ 9 આરોપી
01-જીતેન્દ્રભાઈ નાથાલાલ વસાવા
02-રમેશભાઈ ગીમ્બાભાઈ વસાવા
03-શકુંતલાબેન વા/ઓ ચૈતરભાઈ દામજીભાઈ વસાવા
04-મરીયમબેન વા/ઓ ઝવેરભાઈ ગંભીરભાઈ વસાવા
05-ચૈતરભાઈ દામજીભાઈ વસાવા
06-બલીરામભાઈકાલુસીંગભાઈ વસાવા
07-રીકેશભાઈ કુલસીંગભાઈ વસાવા
08-મોગરાબેન વા/ઓ રમેશભાઈ ગીંબાભાઈ વસાવા
09-શુકંતાબેન ઉર્ફે શકુંતલાબેન વા/ઓ બલીરામભાઈ કાલુસીંગભાઈ વસાવા
શું છે સમગ્ર મામલો ?
આમ આદમી પાર્ટી (AAP)ના ડેડિયાપાડાના ધારાસભ્ય ચૈતર વસાવા અને વન વિભાગના કર્મચારીઓ વચ્ચેનો હુમલાનો કેસ નવેમ્બર 2023 માં નોંધાયો હતો. નર્મદા જિલ્લાના ડેડિયાપાડા પંથકમાં જંગલની જમીન પર સ્થાનિક ખેડૂતો દ્વારા ખેડાણ કરવામાં આવી રહ્યું હતું, જેને વન વિભાગે ગેરકાયદેસર ગણાવી અટકાવ્યું હતું.
આ મુદ્દે ચર્ચા કરવા માટે ધારાસભ્ય ચૈતર વસાવાએ વન વિભાગના કર્મચારીઓને પોતાના ઘરે બોલાવ્યા હતા. આરોપ અનુસાર, ત્યાં બોલાચાલી દરમિયાન વનકર્મીઓ સાથે મારપીટ કરવામાં આવી, ખંડણી માંગવામાં આવી અને તેમને ડરાવવા માટે હવામાં એક રાઉન્ડ ફાયરિંગ પણ કરવામાં આવ્યું હતું. વન વિભાગની ફરિયાદના આધારે નર્મદા જિલ્લાના ડેડિયાપાડા પોલીસ સ્ટેશનમાં ચૈતર વસાવા, તેમના પત્ની શંકુતલાબેન, પીએ (PA) જીતેન્દ્ર અને એક ખેડૂત સામે ગુનો નોંધાયો હતો.
આ પણ વાંચો : Bhavnagar : સર ટી હોસ્પિટલમાં ઓર્થોપેડિક બાદ હવે ગાયનેક વિભાગમાં રેગિંગની ઘટના! સિનિયરો જુનિયર પાસે ઉઘરાવે છે બિલના રૂપિયા?
