Palanpur : અજાણ્યા વાહનચાલકે સર્જયો અકસ્માત, પિતાનું મોત અને પુત્ર હોસ્પિટલમાં સારવાર હેઠળ

Palanpur ના એસબીપુરા પાટીયા પાસે ગંભીર અકસ્માત

અજાણ્યા વાહને રિક્ષાને ટક્કર મારતા રિક્ષાચાલકનું ઘટનાસ્થળે મોત થયું છે અને પિતા-પુત્ર રિક્ષામાં ઘરે જઈ રહ્યા હતા ત્યારે આ દુર્ઘટના બની હતી. અકસ્માત બાદ વાહન ચાલક ફરાર થતા પોલીસે તપાસ હાથધરી હતી.
અકસ્માતમાં પુત્રને ઇજા પહોંચતા પાલનપુર સિવિલ હોસ્પિટલમાં ખસેડાયો છે. પોલીસે મૃતદેહને પીએમ માટે ખસેડયો છે અને પીએમ થયા બાદ મૃતદેહ પરિજનોને સોંપવામાં આવશે, પુત્રની ફરિયાદના આધારે પોલીસે હિટ એન્ડ રનનો ગુનો નોંધ્યો છે.

હિટ એન્ડ રનનો કાયદો શું છે?

અકસ્માત સર્જીને વાહન ચાલક અટક્યા વિના કે પોલીસને જાણ કર્યા વિના સ્થળ પરથી ફરાર થઈ જાય તે ગેરકાયદેસર ગુનાહિત કૃત્યને 'હિટ એન્ડ રન' કહેવાય છે. નવા કાયદા હેઠળ, જો કોઈ ડ્રાઈવર અકસ્માતની જાણ પોલીસને ન કરે અને ભાગી જાય તો 10 વર્ષ સુધીની જેલ અને દંડની જોગવાઈ છે. જો અકસ્માત કરનાર ડ્રાઈવર ઘટનાસ્થળે પીડિતને મદદ કરે અને નજીકના પોલીસ સ્ટેશનને તુરંત જાણ કરે, તો તેમની સજામાં નોંધપાત્ર ઘટાડો (મહત્તમ 5 વર્ષ) થઈ શકે છે.

આ પણ વાંચો : Rajkot માં બાબા બાગેશ્વરની કથા શરૂ, વિરોધ વચ્ચે લોકોની પાંખી હાજરી બની ચર્ચાનો વિષય