Patan Rain : પાટણના ચાણસ્મામાં કુદરતી હોનારત, ભાટસર ગામમાં 80 ટકા ખેતીલાયક જમીન પાણીમાં ડૂબી, કપાસ-તુવેરનો પાક નિષ્ફળ જવાની ભીતિ

ઊભો પાક પાણીમાં ડૂબી ગયો

ભાટસર ગામની વિશિષ્ટ ભૌગોલિક સ્થિતિ એવી છે કે આસપાસના વિસ્તારોનું તમામ વરસાદી પાણી વહીને આ ગામમાં જ એકઠું થાય છે, અને પાણીના નિકાલની યોગ્ય કાયમી વ્યવસ્થા ન હોવાના કારણે આ સમસ્યા વિકરાળ સ્વરૂપ ધારણ કરી ચૂકી છે. આ ગંભીર જળબંબાકારના કારણે ખેતરોમાં વાવેલો કપાસ, અડદ અને તુવેરનો મોટાભાગનો ઊભો પાક પાણીમાં ડૂબી જવાથી તળિયાઝાટક થઈને બળીને ખાખ થઈ ગયો છે.

પાણી ઓસરતા મહિનાઓ લાગશે!

ખેતરોમાં ભરાયેલા આ વિશાળ જળરાશિને કુદરતી રીતે સુકાતા હજુ પણ મહિનાઓનો સમય લાગી શકે તેવી સ્થિતિ છે, જેના કારણે ખેડૂતો હવે આગામી સમયમાં નવરાત્રી બાદ જ નવેસરથી વાવણી કરી શકશે તેવી લાચારી વ્યક્ત કરી રહ્યા છે.

વર્ષભરની કમાણી અને કાળી મજૂરી પાણીમાં ધોવાઈ જતાં ખેડૂતોમાં વહીવટી તંત્ર સામે ભારે આક્રોશ અને રોષ જોવા મળી રહ્યો છે. પ્રભાવિત ખેડૂતોએ સરકાર અને તંત્ર પાસે માંગ કરી છે કે તાત્કાલિક ધોરણે નુકસાનનો સર્વે કરવામાં આવે અને ભવિષ્ય માટે પાણીના નિકાલની યોગ્ય તથા કાયમી વ્યવસ્થા કરવામાં આવે જેથી દર વર્ષે આર્થિક માર સહન ન કરવો પડે.

આ પણ વાંચો : Tapi Rain : તાપી જિલ્લામાં રેડ એલર્ટ વચ્ચે મેઘરાજાનું રૌદ્ર સ્વરૂપ, ઉચ્છલના ગવાણ ગામે ઘરમાં વરસાદી પાણી ઘૂસ્યા