Patan : લોક ગાયિકા કિંજલ રબારીના પ્રેમ લગ્નનો વિવાદ ફરી ગરમાયો! પૂર્વ પતિ અશોક ચૌધરીને ઘેરીને મારવાનો કરાયો પ્રયાસ

અશોક ચૌધરીએ 4 લોકો સામે સમી પોલીસ સ્ટેશનમાં નોંધાવી ફરિયાદ. પોલીસે સીસીટીવીના આધારે તપાસનો ધમધમાટ શરૂ કર્યો છે.

પૂર્વ પતિ અશોક ચૌધરીને ઘેરીને મારવાનો કરાયો પ્રયાસ

થોડાક સમય અગાઉ સિંગર કિંજલ રબારીએ અશોક ચૌધરી સાથે લગ્ન કર્યા હતા અને તેનો વિવાદ સમાજ સુધી પહોંચ્યો હતો અને સમાજ દ્વારા કિંજલ રબારીને ઘરે લાવવામાં આવી હતી, તો હાલમાં આ મામલે કોર્ટમાં છૂટાછેડાનો કેસ ચાલી રહ્યો છે. આજે કિંજલના પૂર્વ પતિ કોર્ટમાં આવ્યા હતા તે દરમિયાન અજાણ્યા શખ્સોએ તેની પર હુમલો કરવાનો પ્રયાસ કર્યો હતો અને ઘેરી લીધો હતો.

તો આ સમગ્ર ઘટનામાં છૂટાછેડાના કાગળમાં હજી સુધી અશોકે સહી નહી કરતા હુમલો કરવામાં આવ્યો હોવાની પ્રાથમિક માહિતી સામે આવી છે. કોણે હુમલો કર્યો તેને લઈ પોલીસ તપાસમાં નામ સામે આવી શકે છે.

માર્ચ 2026માં કર્યા હતા લગ્ન કિંજલ રબારીએ

ગુજરાતી લોકગાયિકા કિંજલ રબારીએ માર્ચ 2026ના બીજા સપ્તાહમાં ચૌધરી (આંજણા પટેલ) સમાજના અશોક કુમાર નામના યુવક સાથે પ્રેમ લગ્ન કર્યા હતા. આ આંતરજ્ઞાતીય લગ્નને લઈને મોટો વિવાદ થયો હતો, ત્યારબાદ પરિવારના વિરોધને કારણે તેઓ પોતાના ઘરે પરત ફર્યા હતા. લગ્ન બાદ કિંજલ રબારીએ સોશિયલ મીડિયા પર ખુલાસો કરતી વખતે એક વીડિયો પણ વાયરલ કર્યો હતો, જેમાં તેમણે પોતાના લગ્નની પુષ્ટિ કરી હતી અને સુરક્ષાની માગ પણ કરી હતી.

આ પણ વાંચો : Kutch : રાપર પોલીસનું મોટું ઓપરેશન, સગીરા ધર્મ પરિવર્તન કેસમાં આરોપી કાઝીને અજમેરથી દબોચ્યો