Porbandar ના 'ઝવેરી બંગલા' વિવાદમાં હિરલબા જાડેજાની ધરપકડ, જૂનાગઢ જેલમાંથી ટ્રાન્સફર વોરંટના આધારે ધરપકડ કરાઈ

આરોપ છે કે, હિરલબા જાડેજાએ પોરબંદરના જાણીતા અને કરોડોની કિંમતના 'ઝવેરી બંગલા' પર ગેરકાયદેસર રીતે કબજો જમાવ્યો હતો. માત્ર બંગલો જ નહીં, પરંતુ 13 જેટલા પ્લોટ અને અન્ય કિંમતી જમીનો પણ પચાવી પાડવાનો ગંભીર આક્ષેપ તેમના પર લાગ્યો છે. આ અંગે ભોગ બનનાર પક્ષ દ્વારા કમલાબાગ પોલીસ મથકમાં ફરિયાદ નોંધાવવામાં આવતા પોલીસે તપાસનો ધમધમાટ શરૂ કર્યો હતો.

હિરલબા સામે ગંભીર ગુનાઓની યાદી

હિરલબા જાડેજા વિરુદ્ધ માત્ર જમીન પચાવી પાડવાના જ નહીં, પરંતુ અનેક ગંભીર ગુનાઓ નોંધાયેલા છે. પોલીસ રેકોર્ડ મુજબ, તેમની સામે અપહરણ, ખંડણી ઉઘરાવવી અને આર્મ્સ એક્ટ હેઠળ પણ ગુનાઓ દાખલ થયેલા છે. તેમની ગુનાહિત પ્રવૃત્તિઓનું નેટવર્ક માત્ર ગુજરાત પૂરતું સીમિત ન રહેતા હરિયાણા સુધી ફેલાયેલું હોવાનું પણ પોલીસ તપાસમાં બહાર આવ્યું છે.

પોલીસની કાર્યવાહી

હાલમાં અન્ય એક ગુનાના કેસમાં હિરલબા જૂનાગઢ જેલમાં બંધ છે. પોરબંદર પોલીસે કાયદાકીય પ્રક્રિયા પૂર્ણ કરી ટ્રાન્સફર વોરંટ દ્વારા તેમનો કબ્જો મેળવી ધરપકડ કરી છે. કમલાબાગ પોલીસે હવે રિમાન્ડ મેળવી આ પ્રકરણમાં અન્ય કોણ સંડોવાયેલું છે અને મિલકતના દસ્તાવેજો કઈ રીતે તૈયાર કરવામાં આવ્યા હતા, તે દિશામાં સઘન તપાસ હાથ ધરી છે. આ ધરપકડથી કથિત રીતે જમીન માફિયાઓમાં પણ ફફડાટ વ્યાપી ગયો છે.

આ પણ વાંચો : LIVE: Gujarat Latest News : ગુજરાતમાં ચોમાસાની શરૂઆત થતાં જ ચાંદીપુરા વાયરસનો આતંક જોવા મળી રહ્યો છે

 

View this post on Instagram

 

A post shared by Gujarat First (@gujaratfirst)