Porbandar: હવે લોકોને બિલ ભરવા નહીં ઉભુ રહેવુ પડે લાઈનમાં, તમને વોટ્સએપ પર જ બિલ મળશે

ટેક્સ બિલ વોટ્સએપ દ્વારા મળી જશે

આ નવી સુવિધા હેઠળ, પ્રોપર્ટી ધારકોને તેમનું વાર્ષિક ટેક્સ બિલ તેમના રજિસ્ટર્ડ મોબાઈલ નંબર પર વોટ્સએપ દ્વારા મળી જશે. આ બિલમાં જ ઓનલાઈન ચુકવણી માટે QR Code (Quick Response Code) આપવામાં આવ્યો છે. નાગરિકો આ QR Code ને સ્કેન કરીને ગમે તે સમયે અને ગમે ત્યાંથી ઘર બેઠા પોતાનો ટેક્સ ઓનલાઈન ચૂકવી શકશે. આ પહેલથી નાગરિકોનો સમય બચશે અને વહીવટી કામકાજમાં પારદર્શિતા પણ આવશે.

સેવા પૂરી પાડવા માટે આ ડિજિટલ અપડેટ

પોરબંદર નગરપાલિકાના અધિકારીઓના જણાવ્યા અનુસાર, શહેરીજનોને વધુ સારી અને ઝડપી સેવા પૂરી પાડવા માટે આ ડિજિટલ અપડેટ લાવવામાં આવ્યું છે. જે લોકો ડિજિટલ પેમેન્ટનો ઉપયોગ કરવા માગતા હોય, તેમના માટે આ એક ખૂબ જ અનુકૂળ વિકલ્પ છે. આ સેવા શરૂ થવાથી કચેરીમાં ભીડ ઓછી થશે અને કર્મચારીઓનું કામનું ભારણ પણ ઘટશે.

Porbandar: ન.પાના રેકોર્ડમાં  નંબર અપડેટ કરાવવો જરૂરી

આ સુવિધાનો લાભ લેવા માટે નાગરિકોએ નગરપાલિકાના રેકોર્ડમાં પોતાનો મોબાઈલ નંબર અપડેટ કરાવવો આવશ્યક છે. જે મિલકતધારકોનો નંબર હજુ સુધી અપડેટ થયો નથી, તેઓ નગરપાલિકાની કચેરી કે ઓનલાઈન પોર્ટલ પર જઈને પોતાનો સંપર્ક નંબર નોંધાવી શકે છે. તંત્ર દ્વારા નાગરિકોને આ સુવિધાનો મહત્તમ લાભ લેવા અને ડિજિટલ પેમેન્ટ તરફ વળવા અપીલ કરવામાં આવી છે. આ પ્રકારના ડિજિટલ સુધારાથી આગામી સમયમાં પોરબંદરની નાગરિક સેવાઓમાં વધુ સરળતા આવવાની અપેક્ષા છે.

આ પણ વાંચો; MLC 2026 : પ્રિટોરિયસના વાવાઝોડામાં ઉડી MI New York, માત્ર 52 બોલમાં ઠોકી સેન્ચુરી!