Radhanpur Patan Highway Project પર મોટો આદેશ: 24 ગામોમાં નવા બાંધકામ પર રોક

વળતરની રકમ પર અંકુશ લાવવા નિર્ણય

તંત્ર દ્વારા લેવાયેલા આ કડક નિર્ણય પાછળનું મુખ્ય કારણ સરકારી તિજોરી પર પડનારું બિનજરૂરી ભારણ અટકાવવાનું છે. હાઈવેની આસપાસ જમીન સંપાદન (Land Acquisition) થવાનું હોવાથી કેટલાક તત્વો દ્વારા વળતર (Compensation) ની રકમ બિનજરૂરી રીતે વધારવા માટે નવી મંજૂરીઓ મેળવીને બાંધકામ કરવાના પ્રયાસો થતા હોય છે. આ વળતરની રકમ ખોટી રીતે ન વધે તે માટે આ અટકાયતી પગલું લેવાયું છે. આ જાહેરનામાની સીધી અસર રાધનપુર (Radhanpur), સમી (Sami), હારીજ (Harij) અને પાટણ (Patan) તાલુકાના નિર્ધારિત 24 ગામોની જમીનો પર થશે.

નિયમોનું ઉલ્લંઘન કરનાર સામે કડક પગલાં

કલેક્ટર કચેરીના જાહેરનામામાં સ્પષ્ટ ચેતવણી આપવામાં આવી છે કે, જો કોઈ પણ મહેસૂલી કે સ્થાનિક અધિકારી અથવા કર્મચારી આ નિયમોનું ઉલ્લંઘન (Violation) કરીને NHAI ની મંજૂરી વિના નવી પરવાનગીઓ ઇસ્યુ કરશે, તો તેમની સામે કાયદેસરની કડક વહીવટી અને શિક્ષાત્મક કાર્યવાહી (Legal Action) કરવામાં આવશે. આ પ્રોજેક્ટ અંતર્ગત જમીન સંપાદનની પ્રક્રિયા પારદર્શક અને ઝડપી બને તે માટે તંત્ર દ્વારા દેખરેખ કડક કરી દેવામાં આવી છે.

આ પણ વાંચો: Kheda: અમદાવાદ-ડાકોર રોડ થશે ટ્રાફિક ફ્રી, રૂપિયા 400 કરોડના ખર્ચે બનશે નવો ઓવરબ્રિજ