Railway News : અમદાવાદ રેલવે ડિવિઝનની કમાણીનો નવો રેકોર્ડ, જુલાઈ મહિનામાં જંગી આવક સાથે રૂ.2.10 કરોડનો દંડ વસૂલ્યો

વગર ટિકિટ મુસાફરી કરવી પડી ભારે

રેલવે પ્રશાસનની આ કડક કાર્યવાહીથી ટિકિટ વગર મુસાફરી કરતા તત્વોમાં ભારે ફફડાટ ફેલાયો છે અને રેલવેની આવકમાં પણ મોટો વધારો થયો છે. સમગ્ર જુલાઈ મહિનાની કુલ આવક પર નજર કરીએ તો, અમદાવાદ રેલવે વિભાગને કુલ રૂ.763 કરોડની માતબર આવક થઈ છે. આ જંગી કમાણીમાં સૌથી મોટો ફાળો માલગાડીઓ (ફ્રેટ ટ્રેનો) ના પરિવહનનો રહ્યો છે. માલગાડીઓના માધ્યમથી વિભાગને સૌથી વધુ રૂ.584.84 કરોડની કમાણી થઈ છે, જે વેપાર અને ઉદ્યોગ ક્ષેત્રે રેલવેની વધતી ઉપયોગીતા દર્શાવે છે.

અમદાવાદ રેલવે ડિવિઝનની ધમાકેદાર કમાણી

આ ઉપરાંત, સામાન્ય મુસાફરો દ્વારા કરવામાં આવેલા પ્રવાસ અને ટિકિટોના વેચાણથી રેલવેને ₹147.05 કરોડની આવક પ્રાપ્ત થઈ છે. રેલવે વિભાગ દ્વારા મુસાફરોને ઉત્તમ સુવિધાઓ પૂરી પાડવાની સાથે-સાથે નિયમોનું કડક પાલન કરાવવાને કારણે આ સિદ્ધિ મળી છે. આગામી દિવસોમાં પણ રેલવે તંત્ર દ્વારા આવક વધારવા અને મુસાફરોની સુરક્ષા તથા સુવિધા માટે આ પ્રકારના સઘન પગલાં લેવામાં આવનાર છે.

આ પણ વાંચો : Surendranagar : મેઘરાજાના કહેર વચ્ચે 108ની ટીમ બની દેવદૂત, ઘૂંટણસમા પાણીમાંથી પ્રસુતા મહિલાને સુરક્ષિત હોસ્પિટલ પહોંચાડી