Rain Forecast : આગામી 48 કલાક વીજળીના કડાકા-ભડાકા સાથે ભારે વરસાદની આગાહી, જાણો ક્યાં જિલ્લામાં પડશે વરસાદ

Rain Forecast : દક્ષિણ ગુજરાતમાં ભારે વરસાદની આગાહી

દક્ષિણ ગુજરાતના નવસારી, વલસાડ, ડાંગ, દમણ અને દાદરા નગર હવેલી વિસ્તારમાં આજે 'ઓરેન્જ એલર્ટ' જાહેર કરવામાં આવ્યું છે. આ વિસ્તારોમાં અત્યાર સુધી નોંધપાત્ર વરસાદ પડ્યો છે, જેને પગલે વહીવટી તંત્રને સાવધ રહેવા સૂચના આપવામાં આવી છે.

ગુજરાતના અનેક વિસ્તારોમાં રહેશે વરસાદી માહોલ

હવામાન વિભાગના જણાવ્યા અનુસાર ભાવનગર, અમરેલી, સુરત, તાપી, બનાસકાંઠા અને સાબરકાંઠામાં આજે 'યેલો એલર્ટ' આપવામાં આવ્યું છે. આગામી બે દિવસ બાદ રાજ્યમાં વરસાદનું જોર ઘટવાની સંભાવના છે. જોકે, દરિયાકાંઠાના વિસ્તારોમાં આગામી પાંચ દિવસ સુધી ભારે પવન ફૂંકાવાની શક્યતા હોવાથી માછીમારોને સાવચેત રહેવા જણાવાયું છે.

સૌરાષ્ટ્રમાં 18 ટકા વરસાદ નોંધાયો

ચાલુ સિઝન દરમિયાન સૌરાષ્ટ્ર અને કચ્છ વિસ્તારમાં સરેરાશ કરતા 18 ટકા ઓછો વરસાદ નોંધાયો છે, જ્યારે ગુજરાતના બાકીના જિલ્લાઓમાં 4 ટકા વધુ વરસાદ પડ્યો છે.

આ પણ વાંચો : Dang Rain : સાપુતારામાં ધોધમાર વરસાદથી પથ્થરો ધસી પડતા વાહનચાલકોને મુશ્કેલી, જુઓ Video