Rajkot માં કાળમુખા ટ્રકનો કહેર, પુત્રની નજર સામે માતાનું મોત

અકસ્માતમાં 2 લોકોના મોત

પુત્ર સમીરને ગંભીર ઈજાઓ પહોંચતા તેને તાત્કાલિક સારવાર અર્થે સિવિલ હોસ્પિટલ ખસેડવામાં આવ્યો હતો. સમીરના કિસ્સામાં દુઃખની વાત એ છે કે, તેણે અગાઉ જ પોતાના પિતાની છત્રછાયા ગુમાવી દીધી હતી, અને હવે આ અકસ્માતે તેના માથા પરથી માતાની મમતા પણ છીનવી લીધી.

આ જ બનાવમાં સુમિતભાઈ કોઠિયા નામના અન્ય એક વ્યક્તિ પણ અકસ્માતનો ભોગ બન્યા હતા. તેમને ગંભીર ઈજાઓ થતાં હોસ્પિટલમાં સારવાર આપવામાં આવી રહી હતી, પરંતુ દુર્ભાગ્યવશ સારવાર દરમિયાન તેમણે પણ અંતિમ શ્વાસ લીધા હતા.

ટ્રાફિક પોલીસ સ્ટેશન નજીક બની ઘટના

સૌથી મોટો સવાલ એ ઉભો થાય છે કે, રાજકોટ શહેરમાં ભારે વાહનોના પ્રવેશ પર પ્રતિબંધ હોવા છતાં આ ટ્રક કેવી રીતે શહેરમાં ઘૂસી આવ્યું? વહીવટી તંત્રના કડક નિયમો હોવા છતાં આવા બેફામ ટ્રક ચાલકો નિર્દોષ લોકોના જીવ લઈ રહ્યા છે.

અગાઉ પિતા ગુમાવનાર સમીરે હવે માતાને પણ ગુમાવતા તે એકદમ નિરાધાર બની ગયો છે. આ કરુણ ઘટના બાદ સ્થાનિકોમાં ભારે રોષ જોવા મળી રહ્યો છે અને જવાબદાર ટ્રક ચાલક સામે કડક કાર્યવાહીની માગ ઉઠી છે. આ અકસ્માત એ વાતની સાબિતી છે કે, ટ્રાફિક નિયમોના અમલીકરણમાં ક્યાંક ને ક્યાંક ક્ષતિ રહી ગઈ છે, જેના કારણે નિર્દોષ નાગરિકોએ જીવ ગુમાવવો પડ્યો છે.

આ પણ વાંચો : Vadodara : સાવલીના મંજુસર નજીક બની ફાયરિંગ ઘટના, 22 વર્ષીય યુવક ગંભીર રીતે ઈજાગ્રસ્ત થયો