Rajkot : ભાદર-2 ડેમમાં જળસંગ્રહ 70%ને પાર, ધોરાજી, ઉપલેટા અને કુતિયાણાના 35થી વધુ ગામો માટે હાઈ એલર્ટ

નીચાણવાળા વિસ્તારને એલર્ટ કરાયા

આ સ્થિતિને ધ્યાનમાં રાખીને તંત્ર દ્વારા રાજકોટ, પોરબંદર અને જૂનાગઢ જિલ્લાના નીચાણવાળા વિસ્તારોમાં રહેતા લોકોને તાત્કાલિક સાવચેત કરવામાં આવ્યા છે. ખાસ કરીને ધોરાજીનું ભોળા ગામ, કુતિયાણાનું ભોગસર અને ઉપલેટાના ડુમિયાણી ગામના રહેવાસીઓને વહેલી તકે સુરક્ષિત સ્થળે સ્થળાંતર કરવા સૂચના આપવામાં આવી છે.

આ ઉપરાંત ધોરાજીના ભોલગામડા, સુપેડી તેમજ ઉપલેટા, કુતિયાણા, માણાવદર અને નવી બંદર સહિતના આશરે 35 થી વધુ ગામડાઓને વહીવટી તંત્ર દ્વારા ખાસ ચેતવણી સંદેશ (એલર્ટ) જારી કરવામાં આવ્યો છે.

ભાદર-2 ડેમ છલકાવાની તૈયારી!

ફ્લડ કંટ્રોલ સેલ દ્વારા કડક સૂચના આપવામાં આવી છે કે, નદીના પટમાં કે નદી કિનારાના વિસ્તારમાં કોઈ પણ નાગરિકે અવરજવર કરવી નહીં. નીચાણવાળા વિસ્તારોમાં પશુધનને પણ સુરક્ષિત સ્થળે ખસેડવા માટે તંત્રની ટીમો તૈનાત કરવામાં આવી છે. ભારે વરસાદના પગલે ડેમનું જળસ્તર વધવાની શક્યતા જોતા, સ્થાનિક વહીવટી તંત્ર દ્વારા સતત દેખરેખ રાખવામાં આવી રહી છે.

આ પણ વાંચો : Headline 12 PM : વાંચો સવારના 7 થી બપોરના 12 વાગ્યા સુધીના મહત્વના સમાચાર એક કિલક પર