કારના સ્ટેયરિંગ લોકને મેગ્નેટની મદદથી તોડી નાખતા

પોલીસ પૂછપરછમાં ચોંકાવનારી વિગતો બહાર આવી છે કે આ આરોપીઓ કારના સ્ટેયરિંગ લોકને મેગ્નેટની મદદથી તોડી નાખતા હતા અને ત્યારબાદ સોફ્ટવેર દ્વારા ગાડીની સુરક્ષા સિસ્ટમને હેક કરીને ગણતરીની સેકન્ડોમાં ચોરીને અંજામ આપતા હતા. આ ટોળકી પાસેથી 1 કિલો વજનનું હાઈ-પાવર મેગ્નેટ પણ પોલીસે કબ્જે કર્યું છે. અત્યાર સુધીની પ્રાથમિક તપાસમાં આ આરોપીઓએ બે સ્વિફ્ટ (Swift) અને એક અર્ટિકા (Ertiga) કારની ચોરી કરી હોવાનું કબૂલ્યું છે. આરોપીઓ આ ચોરાયેલી ગાડીઓને રાજસ્થાન (Rajasthan) લઈ જઈને ત્યાં ઊંચા ભાવે વેચી દેતા હતા.

Rajkot: કાર ચોરીના અનેક ગંભીર ગુનાઓ

રાજકોટ ક્રાઈમ બ્રાન્ચના જણાવ્યા અનુસાર, પકડાયેલા આરોપીઓ સામે અગાઉ પણ રાજ્યના અનેક શહેરોમાં કાર ચોરીના અનેક ગંભીર ગુનાઓ નોંધાયેલા છે. પોલીસ આ ગેંગના અન્ય સાગરીતો અને રાજસ્થાનમાં ગાડીઓ કોને વેચતા હતા, તે દિશામાં વધુ તપાસ કરી રહી છે. આધુનિક ટેકનોલોજીનો ઉપયોગ કરીને કરવામાં આવતી આવી કાર ચોરીઓને રોકવા માટે પોલીસ હવે સાવધ બની છે. આ સફળ ઓપરેશનને પગલે વાહન ચોરીના અન્ય વણઉકેલ્યા ગુનાઓનો ભેદ ઉકેલાવાની પણ શક્યતા છે. પકડાયેલા બંને આરોપીઓની કડક પૂછપરછ હાથ ધરીને પોલીસે આગળની કાયદેસરની કાર્યવાહી શરૂ કરી છે.

આ પણ વાંચો: Surat Flood Damage: DyCM અસરગ્રસ્ત વિસ્તારોની મુલાકાતે, પોદાર આર્કેડમાં પાણી ભરતા કરોડોનું નુક્સાન