Rajkot : 'લવ જેહાદ' જેવી ઘટનાનો પર્દાફાશ, યુવતી પર દુષ્કર્મ ગુજારી આરોપીએ નામ બદલાવીને ફસાવી દીધી!

નામ બદલીને આચરી છેતરપિંડી!

તપાસ દરમિયાન એ વાત પણ બહાર આવી છે કે આરોપી સાહિલ ચાનીયાએ પોતાની ઓળખ છુપાવવા માટે યુવતી સામે પોતાનું નામ 'રાજા સિંધી' તરીકે જણાવ્યું હતું. નામ બદલીને આખી ઓળખ બદલ્યા બાદ આરોપીએ યુવતીને એક દરગાહમાં લઈ જઈને ત્યાં મોબાઈલમાં કલમા પઢાવીને તેનું નામ બદલાવ્યું હતું અને ધર્મ પરિવર્તન કરાવ્યું હોવાનો આક્ષેપ ફરિયાદમાં કરવામાં આવ્યો છે.

પોલીસે કાર્યવાહી કરી તપાસ શરૂ કરી

યુવતી પર થયેલા અત્યાચાર અને ધર્મ પરિવર્તનના આ ગંભીર કિસ્સાથી પરિવારજનો અને સ્થાનિકોમાં ભારે રોષ જોવા મળી રહ્યો છે. રાજકોટ મહિલા પોલીસ મથકે ફરિયાદ નોંધાયા બાદ, હાલ પોલીસ દ્વારા આરોપી સાહિલ ચાનીયાને પકડવા માટે સઘન કવાયત હાથ ધરવામાં આવી છે. પોલીસે આરોપીના ઠેકાણાઓ પર દરોડા પાડ્યા છે અને ટૂંક સમયમાં તેને પકડી લેવાનો વિશ્વાસ વ્યક્ત કર્યો છે.

આ ઘટનાએ ફરી એકવાર મહિલાઓની સુરક્ષા અને ધાર્મિક સંવેદનશીલતાના મુદ્દાઓને ગંભીરતાથી વિચારવા મજબૂર કર્યા છે. પોલીસ દ્વારા આરોપીની ધરપકડ કર્યા બાદ આ કેસમાં અન્ય કોઈની સંડોવણી છે કે કેમ, તે દિશામાં પણ ઊંડાણપૂર્વક તપાસ કરવામાં આવશે.

આ પણ વાંચો : Vadodara : 1 લાખની લેતી-દેતીમાં 17 વર્ષના સગીરની હત્યા, 9 આરોપી જેલના સળિયા પાછળ