આ ધક્કાને કારણે આરોપી રણજીતનું સંતુલન બગડ્યું અને તે જમીન પર પછડાયો હતો. આ દરમિયાન આરોપીના હાથમાં રહેલા હથિયારમાંથી અચાનક 'મિસ ફાયરિંગ' (આકસ્મિક ફાયરિંગ) થયું હતું, જેની ગોળી સીધી આરોપીના જ ડાબા પગમાં વાગી હતી.
આરોપી પિતા-પુત્રો સહિત 3ની ધરપકડ
પુરપાટ ઝડપે બુલેટ ચલાવતા એક સગીરને વાહન ધીમે ચલાવવા માટે ટકોર કરવી એક યુવકને ભારે પડી ગઈ છે. બુલેટ ચાલક સગીર, તેના ભાઈ અને પિતાએ સાથે મળીને કાયદો હાથમાં લીધો હતો.
આ સામાન્ય બાબતમાં સગીરના પિતાએ ગેરકાયદે હથિયાર વડે હવામાં અને ત્યારબાદ યુવક પર બે રાઉન્ડ ફાયરિંગ કરી તેની ક્રૂરતાપૂર્વક હત્યા નીપજાવી હતી. રાજકોટ ક્રાઇમ બ્રાન્ચે ગણતરીની કલાકોમાં ગુનાનો ભેદ ઉકેલી એક સગીર સહિત પિતા-પુત્રો ત્રણેય આરોપીઓની ધરપકડ કરી લીધી છે.
8 જુલાઈ 2026ના રોજ બની હતી ઘટના
નાનામૌવા ગામતળ શેરી નંબર-4માં આવેલા કર્મયોગ મકાન બહાર બની હતી. રાત્રે 9:30 વાગ્યા આસપાસ બુલેટ સ્પીડમાં ચલાવવાના મુદ્દે કૃષ્ણસિંહ જાડેજા અને સગીર વચ્ચે બોલાચાલી અને સામાન્ય ઝપાઝપી થઈ હતી, જેમાં કૃષ્ણસિંહે સગીરને લાફો મારી દીધો હતો.
આ વાતની અદાવત રાખી સગીરે પહેલાં પોતાના મોટાભાઈ અને ત્યારબાદ પિતાને ફોન કરીને બોલાવ્યા હતા. પુત્રને લાફો માર્યો હોવાની જાણ થતાં જ પિતા રણજીતસિંહ વાળા પોતાના બંને પુત્રો સાથે હથિયાર લઈને કૃષ્ણસિંહના ઘરે પહોંચ્યા હતા.
આ પણ વાંચો : Ahmedabad : સોમવારથી શરૂ થશે અમદાવાદ RTOની નવી કચેરી, હવે માણસ નહીં, AI પારખશે તમારી ડ્રાઈવિંગ સ્કિલ
