Rajkot : ગોંડલમાં નશાનો કારોબાર પકડાયો, SOG એ 2.79 લાખના ગાંજા સાથે ઇમ્તિયાઝ સુમરાને ઝડપ્યો

આ દરમિયાન આરોપી ઇમ્તિયાઝ ઉર્ફે લાલો સુમરાના મકાનમાં તલાશી લેતા પ્લાસ્ટિકના બારદાનમાં છુપાવીને રાખેલો ગાંજાનો જથ્થો મળી આવ્યો હતો. પોલીસે તપાસ કરતા આ ગાંજાની કિંમત અંદાજે 2,79,600 રૂપિયા થવા જાય છે.

આરોપીનો ગુનાહિત ઈતિહાસ

પકડાયેલ આરોપી ઇમ્તિયાઝ ઉર્ફે લાલો સુમરા ભૂતકાળમાં પણ ગુનાહિત પ્રવૃત્તિઓ સાથે સંકળાયેલો હોવાનું પોલીસ તપાસમાં સામે આવ્યું છે. અગાઉ પણ તેની સામે પ્રોહીબિશન (દારૂબંધી) અને એનડીપીએસ (NDPS) હેઠળ ગુનાઓ નોંધાઈ ચૂક્યા છે. પોલીસ હવે એ તપાસ કરી રહી છે કે આરોપી આટલા મોટા પ્રમાણમાં ગાંજો ક્યાંથી લાવ્યો હતો અને તેનું વેચાણ કોને કરવાનો હતો.

પોલીસની કડક કાર્યવાહી

આ મામલે SOG દ્વારા ગોંડલ બી ડિવિઝન પોલીસ મથકમાં આરોપી વિરુદ્ધ NDPS એક્ટ હેઠળ ફરિયાદ દાખલ કરવામાં આવી છે. આ ધરપકડ બાદ વિસ્તારના અન્ય નશાના વેપારીઓમાં પણ ફફડાટ જોવા મળી રહ્યો છે. હાલમાં ગોંડલ પોલીસ આ કેસમાં વધુ ઊંડાણપૂર્વક તપાસ કરી રહી છે જેથી આ નશાના નેટવર્ક સાથે જોડાયેલા અન્ય સૂત્રધારો સુધી પહોંચી શકાય.

આ પણ વાંચો : Porbandar ના 'ઝવેરી બંગલા' વિવાદમાં હિરલબા જાડેજાની ધરપકડ, જૂનાગઢ જેલમાંથી ટ્રાન્સફર વોરંટના આધારે ધરપકડ કરાઈ