પોલીસ તપાસ અને ફરિયાદમાં સામે આવેલી વિગતો અનુસાર, મૃતકને દારૂ પીવાની ગંભીર કુટેવ હતી. તે અવારનવાર દારૂ પીને ઘરે આવતો હતો અને પરિવારના સભ્યો સાથે હિંસક મારામારી તેમજ ઝઘડા કરતો હતો.
મૃતક યુવાન દારૂ પીવાની ટેવ ધરાવતો હતો
રોજ-રોજના આ કૌટુંબિક કંકાસથી કંટાળીને માતા-પિતાને દીકરા પ્રત્યે નફરત પેદા થઈ ગઈ હતી. આ ઝઘડા દરમિયાન ગુસ્સા પરનો કાબુ ગુમાવીને જન્મેતા જ જલ્લાદ બન્યા હતા.
માતાએ દીકરાને પકડી રાખ્યો હતો અને બળજબરીપૂર્વક તેને એસિડ પીવડાવી દીધું હતું, જ્યારે પિતાએ તેને ઢીકાપાટુનો નિર્મમ માર મારીને ગળેટૂંપો આપી દીધો હતો. એસિડની બળતરા અને ગૂંગળામણના કારણે દીકરાનું ઘટનાસ્થળે જ કરુણ મોત નીપજ્યું હતું.
રાજકીય ભલામણો કરાવી મામલો દબાવવાનો પ્રયાસ
પોતાના જ પુત્રની ક્રૂર હત્યા કર્યા બાદ માતા-પિતાએ કાયદાની પકડથી બચવા માટે આખી ઘટનાને આપઘાતનું સ્વરૂપ આપવાનો પ્રયાસ કર્યો હતો. એટલું જ નહીં, મેડિકલ તપાસ અને પેનલ પોસ્ટમોર્ટમ વહેલી તકે પૂરું થઈ જાય અને હોસ્પિટલ કે પોલીસમાંથી કોઈ પુરાવા બહાર ન આવે તે માટે પિતાએ કેટલાક સ્થાનિક રાજકીય નેતાઓ અને વગદાર લોકોની ભલામણો પણ કરાવી હતી.
મૃતકની પત્નીએ સાસુ-સસરાને જેલ ભેગા કર્યા
મૃતકના લગ્ન માત્ર ચાર મહિના પહેલા થયા હતા અને તેની પત્નીએ સાસુ-સસરાની આ કરતૂતો અને ઘરમાં બનેલી વાસ્તવિક ઘટના અંગે ગોંડલ તાલુકા પોલીસ મથકમાં સગા સાસુ અને સસરા વિરુદ્ધ જ નામજોગ હત્યાની ફરિયાદ નોંધાવી છે.
પુત્રવધૂની ફરિયાદના આધારે ગોંડલ તાલુકા પોલીસે ભારતીય ન્યાય સંહિતા (BNS)ની કલમ 103(1) (હત્યા) સહિતની ગંભીર કલમો હેઠળ ગુનો દાખલ કર્યો છે. પોલીસે હત્યારા માતા-પિતાને ઝડપી પાડવા માટે ચક્રો ગતિમાન કર્યા છે.
આ પણ વાંચો : Surat : મેફેડ્રોન ડ્રગ્સ કેસમાં ત્રણ આરોપીને કોર્ટે સંભળાવી 20 વર્ષની સજા, વર્ષ 2022માં સચિન કપ્લેથા ચેક પોસ્ટ પાસેથી ઝડપાયું હતુ ડ્રગ્સ
