Rajkot Investment Scam: જાડેજા બ્રધર્સે 3 ટકા નફાની લાલચ આપી આચરી ₹62 લાખની ઠગાઈ

આ સ્કીમમાં ફસાઈને એક જાગૃત નાગરિકે પોતાની જિંદગીની મૂડી સમાન ₹62 લાખ ગુમાવવાનો વારો આવ્યો છે. પોતાની સાથે થયેલી આ વિરાટ છેતરપિંડી અંગે ભોગ બનનારે ન્યાય મેળવવા માટે રાજકોટ પોલીસ કમિશનર (Police Commissioner) ને લેખિતમાં અરજી કરી કડક પગલાં ભરવાની માંગ કરી છે.

નાણાં પરત માગતા જાનથી મારવાની ધમકી

અહેવાલો અનુસાર, ભોગ બનનાર વ્યક્તિ અને આરોપીઓ વચ્ચે ₹50 લાખનું કાયદેસરનું લખાણ થયું હોવા છતાં, શાતિર આરોપીઓએ કરાર મુજબની રકમ પરત કરવાનો સાફ ઈનકાર કરી દીધો હતો. જ્યારે ભોગ બનનારે પોતાના કષ્ટના નાણાં પરત માગ્યા, ત્યારે આ ઠગ ટોળકી દ્વારા તેમને રોકડા આપવાના બદલે જાનથી મારી નાખવાની ગંભીર ધમકી (Death Threat) આપવામાં આવી હતી. આ શાતિર ગુનેગારોએ માત્ર એક વ્યક્તિને જ નહીં, પરંતુ રાજકોટ અને આસપાસના વિસ્તારોના અનેક લોકોને ઊંચા વ્યાજ અને નફાની માયાજાળમાં ફસાવીને કરોડો રૂપિયાનું કૌભાંડ (Scam) આચર્યું હોવાની વિગતો બહાર આવી રહી છે.

આરોપીઓ વિદેશ ભાગી જવાની ફિરાકમાં

પોલીસ કમિશનર (Police Commissioner) ને આપવામાં આવેલી અરજીમાં ભોગ બનનારે ગંભીર આક્ષેપ કર્યો છે કે, ફ્રોડ કરનાર આખો પરિવાર ભારત છોડીને વિદેશ (Abroad) ભાગી જવાની ફિરાકમાં છે. જો તેઓ દેશ છોડીને નાસી જશે તો સેંકડો પરિવારો રોડ પર આવી જશે. આથી, કરોડોનું કૌભાંડ આચરનાર આ તત્વો સામે તાત્કાલિક લુકઆઉટ નોટિસ (Lookout Notice) જાહેર કરી કડક કાર્યવાહી કરવામાં આવે તેવી લોક માંગ ઉઠી છે. આ સાથે જ, આ ઠગ ટોળકીનો શિકાર બનેલા અન્ય ભોગ બનનાર લોકોને પણ હિંમત રાખીને પોલીસ સમક્ષ સામે આવવા અને ફરિયાદ નોંધાવવા માટે ખાસ અપીલ કરવામાં આવી છે.

આ પણ વાંચો: Surat: શાળા બહાર કાળજું કંપાવનારી ઘટના, 11 વર્ષના વિદ્યાર્થી પર ચપ્પુથી ઘાતકી હુમલો