Rajkot: મોટી મારાડમાં ડબલ મર્ડરનો મામલો, પોલીસે હત્યારાને ઝડપી પાડ્યો

ત્રણ વર્ષ જૂનો પ્રેમ અને લગ્નની અપેક્ષા

પોલીસ પૂછપરછમાં આરોપી સુરેશ બારીયા (Suresh Bariya) એ કબૂલાત કરી હતી કે તે છેલ્લા ત્રણ વર્ષથી મૃતક દુર્ગા સાથે પ્રેમ સંબંધમાં હતો. બંને એકબીજા સાથે લગ્ન કરવા માંગતા હતા, પરંતુ પારિવારિક કારણોસર તેમના લગ્ન થઈ શક્યા નહોતા. ત્યારબાદ, દુર્ગાના અન્ય વ્યક્તિ સાથે લગ્ન થઈ જતા તેણે સુરેશ સાથેના તમામ સંબંધો તોડી નાખ્યા હતા. આ વાત આરોપી સુરેશને મનદુઃખનું કારણ બની હતી અને તે સતત દુર્ગા પર નજર રાખી રહ્યો હતો.

Rajkot: વાડીમાં જોતા જ ગુસ્સો ભભૂક્યો

ઘટનાના દિવસે આરોપી સુરેશ બારીયાએ મૃતક દુર્ગા અને તેના પતિને વાડીમાં એકસાથે જોઈ લીધા હતા. પ્રેમીકાને બીજા સાથે જોઈને સુરેશની આંખમાં ખૂન સવાર થયું અને તેણે આવેશમાં આવીને દંપતીની હત્યા કરી નાખી હતી. આરોપી સુરેશ બારીયા મૂળ દાહોદ (Dahod) નો રહેવાસી છે. પોલીસે ટેકનિકલ સર્વેલન્સ અને બાતમીના આધારે હત્યારાને ઝડપી પાડીને કાયદેસરની કાર્યવાહી હાથ ધરી છે. આ ઘટનાએ ગ્રામ્ય વિસ્તારમાં ભારે ચકચાર જગાવી છે.

આ પણ વાંચો; Chotila Illegal Mining Raid : ચોટીલા-થાનમાં ગેરકાયદે ખનન પર કલેક્ટરની મોટી રેડ, સરપંચનું નામ ખૂલ્યું