Rajkot : 8 વર્ષ પછી ઉકેલાઈ રાજકોટની સૌથી રહસ્યમય મર્ડર મિસ્ટ્રી, ઠેકેદાર નીકળ્યો હત્યારો

જેલમાંથી અઝમતમુલાનો કબજો મેળવી પોલીસ કાર્યવાહી કરશે

શહેરમાં આઠ વર્ષ પૂર્વે બનેલી એક હૃદય કંપાવી દેવાની ઘટનામાં આખરે ક્રાઈ મ બ્રાંચની ટીમે ગુનાનો ભેદ ઉકેલી નાખ્યો છે. આજીનદીના પટમાંથી આઠેક વર્ષ પહેલા એક અજાણ્યા બાળકનું ધડ વગરનું માથુ મળી આવ્યું હતું.

તે સમયે કોઇ પુરાવા ન મળતા આ કેસ પોલીસ માટે મોટો પડકાર બની ગયો હતો. પરંતુ એન્ટી હ્યુમન ટ્રાફીકીંગ ડ્રાઈવર અંતર્ગત રાજકોટ પોલીસે પશ્ચિમ બંગાળથી ગેરકાયદેસર રીતે લાવેલા બાળ મજૂરોને મુકત કરાવતા આ વણ ઉકેલ હત્યા કેસના તાર ખુલ્યા હતા.

બંગાળના બાળ મજૂરો સાથે એક ઠેકેદાર પણ પકડાયો હતો : Rajkot

પોલીસે 21 બાળ મજુરોને પોતાના વતન મોકલ્યા ત્યારે એક પરિવારે કહ્યું કે, અમારો બાળક પણ આ ઠેકેદાર લઇ ગયો હતો. જે આ ૨૧માં નથી, જેથી પોલીસે ઠેકેદારની આકારી ઢબે પુછતાછ કરતા તેણે કબુલ્યુ હતું કે, તે બાળક પર બહુ દમન કર્યું હોવાથી તે બીમાર પડી ગયો હોવાથી તેનું માથુ કાપી નદીના પટમાં ફેંકી દીધુ હોવાની કબુલાત આપી દીધી હતી.

જે બાદ પોલીસે બાળકના પરિવારને ડીએનએ ટેસ્ટ કરાવવા માટે રાજકોટ બોલાવેલા હોય પરંતુ પરિવાર આવવા સહમત ન હોવાથી પોલીસે મનાવ્યો હતો.

આ પણ વાંચો : Railway : વડોદરા રેલવે સ્ટેશન ખાતે ઇજનેરી કામગીરી માટે લેવામાં આવેલા બ્લોકને કારણે કેટલીક ટ્રેનોના સ્ટોપેજમાં તાત્કાલિક ફેરફાર