Rajkot : ખોડલધામના ચેરમેન નરેશભાઈ પટેલનું સમાજને માર્ગદર્શન, કહ્યું, "પ્રેમ ગુનો નથી, પણ માતા-પિતાની સહમતી અને મર્યાદા જરૂરી"

"તેમણે ભારપૂર્વક જણાવ્યું હતું કે સોશિયલ મીડિયાના માધ્યમથી દીકરીઓ ઘણીવાર ખોટા આકર્ષણમાં ફસાઈ જાય છે. જે પરિવારમાં દીકરી હોય તે જ સમજી શકે છે કે જ્યારે પરિસ્થિતિ બગડે ત્યારે માતા-પિતા પર શું વીતતી હોય છે.

નરેશભાઈ પટેલનું સમાજને માર્ગદર્શન

વધુમાં નરેશભાઈ પટેલે દીકરીઓને સિંગર બનવાના વલણ વિશે પણ વાત કરી હતી. તેમણે કહ્યું કે, દીકરીઓ દરેક ક્ષેત્રમાં આગળ વધી શકે છે, પરંતુ તેમણે દેશની મહાન ગાયિકા લતા મંગેશકર પાસેથી પ્રેરણા લેવી જોઈએ. તેમણે ઉમેર્યું હતું કે, આ માત્ર પાટીદાર સમાજની જ નહીં, પરંતુ તમામ સમાજની દીકરીઓની ચિંતાનો વિષય છે.

આ માટે સમાજના આગેવાનોએ એક કમિટી બનાવીને વિચાર-વિમર્શ કરવો જોઈએ અને યુવા પેઢીને યોગ્ય માર્ગદર્શન આપવું જોઈએ.

દીકરીઓની સુરક્ષા પર ચિંતા

તેમણે ઇશ્વર પર શ્રદ્ધા રાખવાની વાત કરતા કહ્યું કે, જો કોઈ મનગમતું પાત્ર કે ભાગ્ય તમારા નસીબમાં હશે, તો તેને કોઈ છીનવી શકશે નહીં. માતા-પિતાની સહમતી વિનાના સંબંધો ઘણીવાર દુઃખદ અંત તરફ દોરી જાય છે, જે ટાળવા માટે યુવાનોએ પરિપક્વતા દાખવવી જોઈએ.

નરેશ પટેલના આ નિવેદનને સમાજમાં વ્યાપક સમર્થન મળી રહ્યું છે. વાલીઓ અને યુવાનો માટે તેમનું આ માર્ગદર્શન એક દિશા સૂચક બની રહ્યું છે, જે સમાજમાં રહેલા ડર અને અસુરક્ષાના ભાવને ઘટાડીને સકારાત્મક વિચારસરણી કેળવવામાં મદદરૂપ થશે.

આ પણ વાંચો :Ahmedabad Jagannath Rathyatra 2026 : 149મી રથયાત્રામાં હાઈ-ટેક સુરક્ષા, ગજરાજો બનશે 'સ્માર્ટ', GPS અને કેમેરાથી થશે નિરીક્ષણ