કણકોટ રોડ પર આવેલ અક્ષર પ્રાઈઝ એપાર્ટમેન્ટ અને સ્પીડવેલ પાર્ટીપ્લોટ પાસે આવેલ સાનિધ્ય ગ્રીન એપાર્ટમેન્ટ પાણી ચોરી ઝડપી પાડી છે. પાણીના વાલ્વ સાથે અનધિકૃત ચેડા કરી ગેરકાયદે પાણી લેવામાં આવતું હતુ. અને હાલમાં નળ કનેકશન કાપી નાખવામાં આવ્યા છે.
સ્થાનિકો કરતા હતા પાણીની ચોરી
રાજકોટ મનપાની વોટર વર્ક્સ શાખા દ્વારા આકસ્મિક ચેકિંગ હાથ ધરાયુ હતું. દરમિયાન વોર્ડ નં. 11 વિસ્તારમાં આવેલ બે મોટા હાઇરાઇઝ રહેણાંક એપાર્ટમેન્ટ્સમાં પાણીની લાઇન સાથે ગંભીર ચેડાં થતા હોવાનું અને ગેરકાયદેસર રીતે પાણીચોરી કરવામાં આવતી હોવાનું ખુલ્યુ હતું.
બિલ્ડીંગના કેટલાક રહીશો તેમજ વ્યવસ્થાપકો દ્વારા મનપાની કોઈ પણ પ્રકારની પૂર્વ મંજૂરી લીધા વિના મુખ્ય પાણી સપ્લાય લાઇન પર આવેલા સરકારી વાલ્વનું ગેરકાયદે સ્વયં સંચાલન કરવામાં આવતું હતું.
આ બન્ને એપાર્ટમેન્ટને ફટકારાયો દંડ
વોટર વર્ક્સ વિભાગ દ્વારા અક્ષર પ્રાઈમ એપાર્ટમેન્ટ અને સાનિધ્ય ગ્રીન એપાર્ટમેન્ટને દંડ ફટકારવામાં આવ્યો છે અને નોટિસ પણ આપવામાં આવી છે. ભવિષ્યમાં જો શહેરના કોઈપણ ઝોન કે વોર્ડ વિસ્તારમાં આવી ગેરકાયદેસર પ્રવૃત્તિ, ડાયરેક્ટ પંપીંગ અથવા પાણીચોરી થતી હોવાનું સામે આવશે કે કોઈ નાગરિક દ્વારા ફરિયાદ કરવામાં આવશે, તો મનપાની ફ્લાઈંગ સ્ક્વોડ દ્વારા તપાસ કરીને દંડ ફટકારવામાં આવશે તે નક્કી છે.
આ પણ વાંચો : LIVE: Gujarat Latest News : લખપત તાલુકાના પાનધ્રો ગામે સરકારી જમીન પર દબાણ દૂર કરવાની કાર્યવાહી કરાઈ
