Rajkot ને આજે મળશે મોટી ભેટ, 74 કરોડના રૂપિયે બનેલ સાંઢિયા પુલનું થશે લોકાર્પણ

નાયબ મુખ્યમંત્રી હર્ષભાઈ સંઘવી કરશે લોકાર્પણ

રાજકોટ મહાનગરપાલિકા દ્વારા રૂ. 74.32 કરોડના ભારેખમ ખર્ચે તૈયાર કરવામાં આવેલા આ અદ્યતન ઓવરબ્રિજનું ભવ્ય લોકાર્પણ ગુજરાત રાજ્યના નાયબ મુખ્યમંત્રી હર્ષભાઈ સંઘવીના વરદ્ હસ્તે આજે સવારે કરવામાં આવશે.

આ ઐતિહાસિક અને ગૌરવશાળી ક્ષણને આવકારવા માટે તંત્ર દ્વારા તમામ તૈયારીઓને આખરી ઓપ આપી દેવામાં આવ્યો છે. આ બ્રિજ શરૂ થવાથી જામનગર રોડ પર વાહનવ્યવહારની મોટી સમસ્યાનો કાયમી ઉકેલ આવશે.

તમામ તૈયારીઓને આખરી ઓપ આપવામાં આવ્યો છે

જામનગર રોડ પરથી પસાર થતી વખતે વર્ષોથી વાહનચાલકો જે રેલવે ક્રોસિંગ અને ટ્રાફિક જામની સમસ્યાથી ત્રસ્ત હતા, તેમાંથી મુક્તિ આપવા માટે રાજકોટ મહાનગરપાલિકા (RMC) દ્વારા 74 કરોડ રૂપિયાના માતબર ખર્ચે નવો સાંઢિયા બ્રિજ તૈયાર કરવામાં આવ્યો છે.

હેપી સ્ટ્રીટ અંતર્ગત સાંઢિયા પુલ પર નાના ભૂલકાઓથી લઈને યુવાનો અને વડીલોએ વિવિધ રમતો રમીને ભરપૂર આનંદ માણ્યો હતો. લોકોએ લીંબુ ચમચી, સાપસીડી, કોથળા દોડ, લુડો અને રસ્સા ખેંચ સહિતની પરંપરાગત અને આધુનિક રમતો રમીને ભારે ઉત્સાહ દર્શાવ્યો હતો.

આ પણ વાંચો : Ahmedabad શહેરમાં અકસ્માતનો કહેર, અલગ-અલગ જગ્યા પર 3ના મોતથી ખળભળાટ મચ્યો