તો મૃતકના પત્ની છોડાવવા માટે વચ્ચે પડયા હતા તો તેઓ પણ ઈજાગ્રસ્ત થતા તેમને સારવાર માટે હોસ્પિટલ ખસેડાયા છે. સમગ્ર ઘટનામાં પોલીસનો કાફલો સ્થળ પર પહોંચ્યો હતો અને તપાસનો ધમધમાટ શરૂ કર્યો હતો. મૂળ વેરાવળનો રહેવાસી વિવેક ગોસ્વામીએ પત્નીના નાનાની ઘરે જઈ કરી હત્યા.
પોલીસે સ્થળ પર પહોંચી તપાસ શરૂ કરી
છેલ્લા ઘણા સમયથી પતિ- પત્ની વચ્ચે અણબનાવ હોવાનું સામે આવ્યું છે અને પત્ની વિવેક સાથે જવાની ના પાડતા અનેક વખત ધાક ધમકી આપતો હતો જેને લઈ અગાઉ પરિવાર દ્વારા યુનિવર્સિટી પોલીસમાં રક્ષણ માટે અરજી પણ કરવામાં આવી હતી.
પરંતુ પોલીસે આ બનાવમાં ઢીલ મૂકી હોવાની વાત પણ સૂત્રો તરફથી સામે આવી છે. પોલીસ દ્વારા આરોપીને ઝડપી લેવા ચક્રો ગતિમાન કર્યા છે. રાજકોટ ક્રાઇમ બ્રાન્ચ સહિતની ટીમ ઘટના સ્થળે પહોચી તપાસ હાથ ધરી.
હત્યા કરી આરોપી ફરાર
તો આ સમગ્ર ઘટનામાં આરોપી હત્યા કરીને ફરાર થયો હોવાની વાત સામે આવી છે. પોલીસે મૃતદેહને પીએમ માટે ખસેડયો છે અને પીએમ થયા બાદ મૃતદેહ પરિજનોને સોંપવામાં આવશે, પોલીસે ઘરના અન્ય સભ્યોના પણ નિવેદન લીધા છે અને તપાસ હાથધરી છે.
સમગ્ર ઘટનામાં આરોપી હવે કયારે ઝડપાય છે અને શું વધુ ખુલાસા થાય છે તે જોવાનું રહ્યું. પોલીસની પ્રાથમિક તપાસમાં સામે આવ્યું છે કે, પતિ-પત્ની વચ્ચે અણબનાવ ચાલતો હતો અને પત્ની તેના પિયર રહેવા ગઈ હતી.
આ પણ વાંચો : LIVE: Gujarat Latest News : ગુજરાતમાં ઉનાળાની આકરી ગરમીનું જોર સતત પ્રકોપ વર્તાવી રહ્યું છે
