Sabarkantha માં ફાયર ટીમે દેવદૂત બની, ઇડરના ઉમેદગઢ ગામે પાણીના પ્રવાહમાં ફસાયેલા શ્રમજીવીનો જીવ બચાવ્યો

સાબરકાંઠા ફાયર ટીમની સમયસૂચકતા રંગ લાવી

આ પ્રવાહની વચ્ચે ઈશ્વરભાઈ થોરી નામના વ્યક્તિ ફસાઈ ગયા હતા. પાણીનો પ્રવાહ એટલો તેજ હતો કે બહાર નીકળવાનો કોઈ જ રસ્તો નહોતો, જેથી ઈશ્વરભાઈ જીવ બચાવવા માટે ત્યાં આવેલા એક બાવળના ઝાડને મજબૂતાઈથી પકડીને લાંબા સમય સુધી પોતાની જાતને સંભાળીને ઊભા રહ્યા હતા. તેમનો આ સંઘર્ષ જોઈને સ્થાનિકોમાં ગભરાહટ ફેલાઈ ગઈ હતી અને તાત્કાલિક તંત્રને જાણ કરવામાં આવી હતી. માહિતી મળતાની સાથે જ ઇડર ફાયર વિભાગની ટીમ ત્વરિત ગતિએ ઘટનાસ્થળે દોડી આવી હતી.

ભારે વરસાદ વચ્ચે માનવતાનું ઉત્તમ ઉદાહરણ

ફાયર ટીમના જવાનો ઝાલા રાજેન્દ્રસિંહ અને તેમની ટીમે સમયસૂચકતા દાખવીને કોઈપણ પ્રકારની રાહ જોયા વગર જોખમી પૂરના પાણીમાં છલાંગ લગાવી હતી. ભારે પ્રવાહ અને જીવન જોખમમાં હોવા છતાં ફાયર જવાનોએ અત્યંત કુશળતાપૂર્વક અને સાહસિકતાપૂર્વક રેસ્ક્યૂ ઓપરેશન પાર પાડ્યું હતું. ટીમે પૂરના પાણીમાંથી ઈશ્વરભાઈ થોરીને હેમખેમ અને સુરક્ષિત રીતે બહાર કાઢી લીધા હતા. સમયસર મળેલી મદદ અને ફાયર ટીમના જવાનોની બહાદુરીના કારણે એક નિર્દોષ વ્યક્તિનો જીવ બચી ગયો છે. આ સફળ રેસ્ક્યૂ બાદ સમગ્ર પંથકમાં ફાયર ટીમના જવાનોની પ્રશંસા થઈ રહી છે. બીજી તરફ, જિલ્લા વહીવટી તંત્ર દ્વારા પણ નાગરિકોને અપીલ કરવામાં આવી છે કે ભારે વરસાદ અને પૂરની સ્થિતિમાં કોઈએ પણ નદી-નાળા કે પાણીના પ્રવાહવાળા વિસ્તારોમાં જવાનું જોખમ ન ખેડવું જોઈએ.

આ પણ વાંચો : Rajkot માં મોટી દુર્ઘટના, બેડીપરા વિસ્તારમાં જર્જરિત મકાન ધરાશાયી થતાં શ્રમજીવીનું મોત