Saharsa Passenger Train Fire : સિમરી બખ્તિયારપુર સ્ટેશને પેસેન્જર ટ્રેનની બોગીમાં ભીષણ આગ, સમયસૂચકતાથી મોટી હોનારત ટળી

સમતસીપુર-સહરસા પેસેન્જર ટ્રેનમાં આગ

સ્ટેશન પર તાત્કાલિક લાઉડસ્પીકર દ્વારા જાહેરાત કરીને મુસાફરોને ટ્રેન ખાલી કરવા અપીલ કરવામાં આવી હતી. રેલવે પોલીસ (RPF/GRP) અને કર્મચારીઓની સક્રિયતાને કારણે તમામ મુસાફરોને સમયસર અને સુરક્ષિત રીતે બહાર કાઢી લેવામાં આવ્યા હતા. રાહતની વાત એ રહી કે આ ભીષણ અકસ્માતમાં કોઈ જાનહાનિ કે ઈજાના અહેવાલ નથી. માહિતી મળતા જ ફાયર બ્રિગેડની ગાડીઓ ઘટનાસ્થળે દોડી આવી હતી અને રેલવે પોલીસની સાથે મળીને લગભગ દોઢ કલાકની ભારે જહેમત બાદ આગ પર સંપૂર્ણ કાબૂ મેળવ્યો હતો, જોકે આ આગમાં ટ્રેનની એક બોગી સંપૂર્ણપણે બળીને ખાખ થઈ ગઈ હતી.

બે કલાક સુધી ટ્રેન વ્યવહાર પ્રભાવિત!

આ આગની દુર્ઘટનાના કારણે સહરસા-સમસ્તીપુર રેલવે સેક્શન પર ટ્રેનોના સંચાલનને ભારે અસર પહોંચી હતી. મણિહારી-જયનગર જાનકી એક્સપ્રેસ, કોસી એક્સપ્રેસ અને દેવઘર પેસેન્જર સહિતની અનેક ટ્રેનોને અલગ-અલગ રૂટ પર રોકી દેવી પડી હતી, જેના કારણે મુસાફરોને ભારે હાલાકીનો સામનો કરવો પડ્યો હતો. રેલવે અધિકારીઓના પ્રાથમિક અનુમાન મુજબ બેટરી બોક્સ પાસે ટેકનિકલ ખામી સર્જાવાને કારણે આ આગ લાગી હોવાની આશંકા છે. હાલમાં ટેકનિકલ ટીમ દ્વારા સમગ્ર મામલાની ઝીણવટભરી તપાસ શરૂ કરવામાં આવી છે અને રેલવે વ્યવહારને પૂર્વવત કરવાની કામગીરી હાથ ધરવામાં આવી છે.

આ પણ વાંચો : Rashid Khan : The Hundred માં રાશિદ ખાનનો જાદુ, 20 બોલમાં 5 વિકેટ ઝડપીને રચ્યો ઇતિહાસ, કેપ્ટન સેમ કુરન પણ ચોંકી ગયા