Surat : મેયરની મોડી રાત્રે 'ફીલ્ડ વિઝિટ', ખાડીપૂર અસરગ્રસ્ત વિસ્તારોમાં ડી-વોટરિંગ અને સફાઈના આપ્યા આદેશ

આ પાણીના નિકાલ માટે પાલિકા દ્વારા ડી-વોટરિંગ (D-watering) પંપની કામગીરી શરૂ કરવામાં આવી છે.

સુરતમાં પૂર બાદ સ્વચ્છતા અભિયાન

મેયર માયા માવાણીએ રાત્રિના સમયે કામગીરીના સ્થળે પહોંચીને સમગ્ર પ્રક્રિયાનું બારીકાઈથી નિરીક્ષણ કર્યું હતું. તેમણે અધિકારીઓ સાથે ચર્ચા કરીને જ્યાં પાણીનો નિકાલ હજુ બાકી છે ત્યાં વધારાના પંપ મૂકવા અને સાફસફાઈ ઝડપી બનાવવા અંગે તાકીદની સૂચના આપી હતી.

આ મુલાકાત દરમિયાન મેયરે સ્પષ્ટ શબ્દોમાં જણાવ્યું હતું કે, પૂર ઓસર્યા બાદ રોગચાળો ફેલાવાની ભીતિ રહેલી હોય છે, તેથી સફાઈ અભિયાન અત્યંત મહત્ત્વનું છે. તેમણે કાદવ-કીચડ દૂર કરવા અને જંતુનાશક દવાનો છંટકાવ કરવા માટે વિશેષ આયોજન કરવા જણાવ્યું હતું.

મેયરની મોડી રાત્રિની મુલાકાતે કામગીરીને આપી ગતિ

ખાસ કરીને ખાડી કિનારાના સોસાયટી વિસ્તારોમાં જલ્દીથી રાબેતા મુજબની સ્થિતિ સ્થપાય તે માટે પાલિકાની તમામ ટીમોને એલર્ટ મોડ પર રહેવા સૂચના આપવામાં આવી છે.

પાલિકાના અધિકારીઓએ જણાવ્યું હતું કે, મેયરના માર્ગદર્શન હેઠળ 24 કલાક કર્મચારીઓ કામ કરી રહ્યા છે. જે વિસ્તારોમાં પાણી ભરાયેલા હતા, ત્યાં હવે પરિસ્થિતિ નિયંત્રણમાં આવી રહી છે. નાગરિકોને પણ સ્વચ્છતા જાળવવા અને સાવચેતી રાખવા અપીલ કરવામાં આવી છે. સુરત મહાનગરપાલિકાની આ ત્વરિત કામગીરીને કારણે અસરગ્રસ્ત લોકોમાં રાહતની લાગણી પ્રસરી છે.

આ પણ વાંચો : Junagadh : ગિરનારની ગિરીકંદરાઓમાં કાળનો કોળિયો, સીડી પરથી બાળકને સિંહ ઉઠાવી જતાં ખળભળાટ મચ્યો

 

View this post on Instagram

 

A post shared by Gujarat First (@gujaratfirst)